សន្តិសុខសង្គម

សមត្ថកិច្ចខេត្តបន្ទាយមានជ័យ ស្រាវជ្រាវឃាត់ខ្លួនជនជាតិឥណ្ឌូណេស៊ីប្រុសស្រី ២នាក់ រកឃើញគ្រឿងញៀនមួយចំនួនធំ

បានផុស

២២ វិនាទី មុន

នៅ

ថ្ងៃអង្គារ ១៤ កក្កដា ២០២៦

ដោយ

ជនសង្ស័យប្រុសស្រីជាជនជាតិឥណ្ឌូណេស៊ី ២នាក់ត្រូវបាន កម្លាំងជំនាញប្រឆាំងគ្រឿងញៀនបើកការស្រាវជ្រាវ រហូតឈានដល់ការឃាត់ខ្លួនពាក់ព័ន្ធករណីជួញដូរគ្រឿងញៀនខុសច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អនុវត្តតាមបទបញ្ជាយ៉ាង លោកនាយឧត្ដមសេនីយ៍ ស ថេត អគ្គស្នងការនគរបាលជាតិ និង អនុវត្តតាមបទបញ្ជារបស់ លោកឧត្ដមសេនីយ៍ត្រី សឿម សារិទ្ធ ស្នងការ នៃស្នងការដ្ឋាននគរបាលខេត្តបន្ទាយមានជ័យ កាលពីថ្ងៃទី១៤ ខែកក្កដា ឆ្នាំ២០២៦ លោកឧត្ដមសេនីយ៍ត្រី ធិន សុិនដេត ស្នងការរងផែនការងារប្រឆាំងគ្រឿងញៀនបានដឹកនាំកម្លាំងការិយាល័យជំនាញ និងកម្លាំងអធិការដ្ឋាននគរបាលក្រុងប៉ោយប៉ែតបានចុះប្រតិបត្តិការបង្ក្រាបនិង ឃាត់ខ្លួនសង្ស័យប្រុសស្រីជាជនជាតិឥណ្ឌូណេស៊ីបានចំនួន២នាក់ ពាក់ព័ន្ធករណីជួញដូរគ្រឿងញៀនខុសច្បាប់ នៅចំនុច បុរីដួងចាន់ ស្ថិតនៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

បើតាមការបញ្ជាក់ពី លោកឧត្ដមសេនីយ៍ត្រី ធិន សុិនដេត បានបញ្ជាក់អោយដឹងថាជនសង្ស័យដែលត្រូវឃាត់ខ្លួនមានឈ្មោះ៖ Willy ភេទប្រុស អាយុ២១ឆ្នាំ ជនជាតិឥណ្ឌូណេស៊ី ,Desi Aritonang ភេទស្រី អាយុ២០ឆ្នាំ ជនជាតិឥណ្ឌូណេស៊ី។ ក្នុងនោះកម្លាំងសមត្ថកិច្ចបានរកឃើញវត្ថុតាងនិងដកហូតសម្ភោរៈមួយចំនួន

ឡានចំនួន០១គ្រឿង , ក្បាលPOD K វេចខ្ចប់រួចចំនួន១៧ថង់, វែបមួយចំនួន, ថ្នាំសប្បាយចំនួន០៣កញ្ចប់ ,ទឹកថ្នាំចំនួន០៤ដប ,ក្បាលបារីចំនួន០២ប្រអប់ ,ឧបករណ៍សម្រាប់ជក់មួយចំនួន។

បច្ចុប្បន្នជនសង្ស័យរួមទាំងវត្ថុតាងត្រូវបានកសាងសំណុំរឿងបញ្ជូនទៅតុលាការ ដើម្បីផ្តន្ទាទោសតាមច្បាប់៕