កីឡា

រឿងពិត Mbappé គ្មានប្រវត្តិឈ្នះ Yamal ពេលតទល់វគ្គសំខាន់ៗចំនួន ៦ ប្រកួត

បានផុស

៦ នាទី មុន

នៅ

ថ្ងៃពុធ ១៥ កក្កដា ២០២៦

ដោយ

ខ្សែប្រយុទ្ធជម្រើសជាតិបារាំង និងក្លិប Real Madrid កីឡាករ Kylian Mbappé មិនធ្លាប់មានប្រវត្តិឈ្នះសោះឡើយរាល់ពេលលេងតទល់នឹងខ្សែបម្រើប្រយុទ្ធវ័យក្មេង Lamine Yamal របស់ជម្រើសជាតិ អេស្ប៉ាញ និងក្លិប FC Barcelona។

កីឡាករ Kylian Mbappe និងកីឡាករ Lamine Yamal

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករឆ្នើមទាំងពីរធ្លាប់លេងតទល់គ្នាចំនួន ៦ លើកក្នុងវគ្គសំខាន់គឺវគ្គចាញ់ធ្លាក់ និងឈ្នះឡើងវគ្គបន្ត ((knockout)) ទាំងនៅក្លិប និងជម្រើសជាតិគិតចាប់តាំងពីឆ្នាំ ២០២៤ គឺ កីឡាករ Lamine Yamal តែងតែឈ្នះ ប៉ុន្តែ Kylian Mbappé តែងតែចាញ់។

វគ្គពាក់កណ្តាលផ្តាច់ព្រ័ត្រ EURO – ឆ្នាំ ២០២៤

ជើងឯកទ្វីបអឺរ៉ុប (EURO) ឆ្នាំ ២០២៤ ក្រុមជម្រើសជាតិ អេស្ប៉ាញ បានឈ្នះ បារាំង ដោយលទ្ធផល ២-១ ហើយជាឆ្នាំដែល អេស្ប៉ាញ ឈ្នះជើងឯកទ្វីបអឺរ៉ុប។

វគ្គផ្តាច់ព្រ័ត្រ Supercopa – ឆ្នាំ ២០២៥

ក្លិប FC Barcelona បានយកឈ្នះ Real Madrid នៅវគ្គផ្តាច់ព្រ័ត្រពានរង្វាន់ Supercopa ឆ្នាំ ២០២៥ ដើម្បីក្លាយជាជើងឯក។

វគ្គផ្តាច់ព្រ័ត្រ Copa del Rey – ឆ្នាំ ២០២៥

ក្លិប FC Barcelona បានយកឈ្នះ Real Madrid ដោយលទ្ធផល ៣-២ វគ្គផ្តាច់ព្រ័ត្រ ពានរង្វាន់ Copa del Rey ឆ្នាំ ២០២៥ ដោយប្រើពេល ១២០នាទី ដើម្បីក្លាយជាជើងឯក។

វគ្គពាក់កណ្តាលផ្តាច់ព្រ័ត្រ Nations League – ឆ្នាំ ២០២៥

ក្រុមជម្រើសជាតិ អេស្ប៉ាញ បានឈ្នះ បារាំង ដោយលទ្ធផល ៥-៤ នៅវគ្គពាក់កណ្តាលផ្តាច់ព្រ័ត្រជើងឯកទ្វីបអឺរ៉ុប UEFA Nations League ឆ្នាំ ២០២៥ ដើម្បីឡើងទៅកាន់វគ្គផ្តាច់ព្រ័ត្រដែលចាញ់ ព័រទុយហ្គាល់ ដោយប៉េណាល់ទីកាត់សេចក្តី ៥-៣ ក្រោយស្មើគ្នា ២-២។

វគ្គផ្តាច់ព្រ័ត្រ Supercopa – ឆ្នាំ ២០២៦

ក្លិប Barcelona បានយកឈ្នះ Real Madrid ដោយលទ្ធផល ៣-២ នៅវគ្គផ្តាច់ព្រ័ត្រ ពានរង្វាន់ Supercopa ឆ្នាំ ២០២៦ ដើម្បីក្លាយជាជើងឯក។

វគ្គពាក់កណ្តាលផ្តាច់ព្រ័ត្រ World Cup ឆ្នាំ ២០២៦

ថ្មីបំផុតនេះ ក្រុមជម្រើសជាតិ អេស្ប៉ាញ បានយកឈ្នះ បារាំង ដោយលទ្ធផល ២-០ នៅវគ្គពាក់កណ្តាលផ្តាច់ព្រ័ត្រ ជើងឯកពិភពលោក World Cup ឆ្នាំ ២០២៦ ដើម្បីឡើងទៅវគ្គផ្តាច់ព្រ័ត្រ៕