វីរុសបំប្លែងខ្លួនប្រភេទថ្មី មានប្រភពចេញពីប្រទេសក្បែរកម្ពុជា កំពុងរាលដាលនៅ អង់គ្លេស

វីរុសកូវីដ-១៩បំប្លែងខ្លួនប្រភេទថ្មី គេអះអាងថា មានប្រភពចេញពីប្រទេសថៃ ត្រូវបានគេរកឃើញនៅចក្រភពអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពេលនេះ សេវាសុខភាពសាធារណៈអង់គ្លេស កំពុងធ្វើការស៊ើបអង្កេតទៅលើវីរុសបំប្លែងខ្លួនប្រភេទថ្មី C.63.3។

របាយការណ៍បានឲ្យដឹងថា វីរុសបំប្លែងខ្លួនថ្មីនេះ ត្រូវបានរកឃើញដំបូងបំផុតនៅក្នុងប្រទេសថៃ ដោយដើមឡើយ អ្នកជំងឺបានធ្វើដំណើរចេញពីទ្វីបអឺរ៉ុប។

ទោះបីជាយ៉ាងណាក៏ដោយ មិនមានព័ត៌មានលម្អិតណាមួយ ត្រូវបានរាយការណ៍អំពីអ្នកជំងឺនៅក្នុងប្រទេសថៃនោះទេ ប៉ុន្តែដោយសារតែប្រវត្តិនៃការធ្វើដំណើរអន្តរជាតិរបស់ពួកគេ វីរុសនេះ អាចត្រូវបានគេរកឃើញនៅក្នុងកន្លែងធ្វើចត្តាឡីស័កក្នុងប្រទេសថៃ។

នៅចក្រភពអង់គ្លេស វីរុសបំប្លែងខ្លួនថៃ ចំនួន១០៩ករណី ត្រូវបានរកឃើញដោយសេវា សុខភាពសាធារណៈអង់គ្លេស។ ក្រុមមន្រ្តីនិយាយថា ពេលនេះ មិនមានភស្តុតាងណាមួយដែលបង្ហាញថា វីរុសនេះមានលក្ខណៈធ្ងន់ធ្ងរជាងប្រភេទដទៃទៀត ឬធន់នឹងវ៉ាក់សាំងនោះទេ៕

ប្រែសម្រួល៖ Vann Vann

ប្រភព៖ Thaiger

ចុចអាន៖ ថៃ ប្រកាសរកឃើញអ្នកឆ្លងកូវីដ៣,៧៥៩ករណី និងស្លាប់៣៤នាក់ទៀត នៅថ្ងៃសុក្រនេះ