រកឃើញក្រុមឡើងនិង ធ្លាក់ក្នុងពូល A

បន្ទាប់ពីបញ្ចប់ការប្រកួតក្នុងពូល A យប់មិញ ក្រុមបាល់ទាត់ជម្រើសជាតិអ៊ីតាលី និងវែលស៍ បានដឹកដៃគ្នាឡើងទៅកាន់វគ្គ១៦ក្រុមចុងក្រោយ ខណៈក្រុមធ្លាក់គឺ ទួរគី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីតាលី បានយកឈ្នះ វែលស៍ ដែលមានគ្នាត្រឹម១០នាក់ក្នុងលទ្ធផល ១-០ រកបានដោយកីឡាករ Matteo Pessina នៅនាទីទី៣៩។

ការប្រកួតមួយគូទៀត ស្វីស បានយកឈ្នះ​ ទួរគី ៣-១។ ៣គ្រាប់របស់ស្វីសរកបានកីឡាករ Haris Seferovic នៅនាទីទី៦ និង Xherdan Shaqiri រកបាន២គ្រាប់ម្នាក់ឯងនៅនាទីទី ២៦និង៦៨។ ចំណែកឯមួយគ្រាប់របស់ ទួរគី រកបានដោយកីឡាករ Irfan Kahveci នៅនាទីទី៦២។

ឆ្លងកាត់គ្រប់ការប្រកួតក្នុងពូល A អ៊ីតាលី ឈរលេខ១ មាន៩ពិន្ទុពេញ, វែលស៍ ឈរលេខ២មាន៤ពិន្ទុ, ស្វីសឈរលេខ៣មាន៤ពិន្ទុដូចគ្នាតែចាញ់គ្រាប់បាល់វែលស៍ ចំណែក ទួរគី នៅក្រោមគេ មាន០ពិន្ទុ។

ទោះឈរលេខ៣មែន តែស្វីស មិនទាន់អស់ឱកាសឡើងទៅកាន់បន្តនោះទេ ពោលគឺត្រូវរង់ចាំអ៊ុតមើលជាមួយក្រុមលេខ៣មកពីពូលផ្សេងទៀត ដើម្បីយកក្រុមលេខ៣ល្អចំនួន៤ក្រុម ឡើងវគ្គ១៦ក្រុមចុងក្រោយ៕

ដោយ៖ Vann Vann