ព័ត៌មានជាតិ

អាជ្ញាធរខេត្តបន្ទាយមានជ័យ ចុះពិនិត្យទីតាំងចាក់វ៉ាក់សាំងការពារជំងឺកូវីដ-១៩ ជូនពលរដ្ឋក្នុងក្រុងសិរីសោភ័ណ

បានផុស

៤ years មុន

នៅ

ថ្ងៃចន្ទ ៥ កក្កដា ២០២១

ដោយ

លោក អ៊ុំ រាត្រី អភិបាលខេត្តបន្ទាយមានជ័យ លោក ហ៊ឹល រ៉ាយ៉ា អភិបាលក្រុងសិរីសោភ័ណ និងក្រុមការងារសុខាភិបាលបានចុះពិនិត្យទីតាំងសម្រាប់ចាក់វ៉ាក់សាំងការពារជំងឺកូវីដ-១៩ ជូនព្រះសង្ឃ មន្ត្រីរាជការ កម្មករ ប្រជាពលរដ្ឋទូទាំងក្រុងសិរីសោភ័ណ ៦ម៉ឺននាក់ នៅក្នុងសង្កាត់ទាំង៧ ក្នុងពេលឆាប់ៗខាងមុខនេះ នៅល្ងាចថ្ងៃទី៤ ខែកក្កដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អ៊ុំ រាត្រី បានមានប្រសាសន៍ថា ទីតាំងដែលបានជ្រើសរើសសម្រាប់ចាក់វាក់សាំងទាំង៧សង្កាត់រួមមាន សង្កាត់ព្រះពន្លា មានទីតាំង៣ -១ចំណតរថយន្តថ្មី -២វត្តសមាធិផល -៣វត្តស្វាយចាស់ សង្កាត់ កំពង់ស្វាយ មានទីតាំង មានទីតាំង៣កន្លែ -១សាសាលាបឋមសិក្សាសូភី -២សាលាបបឋមសិក្សាប៉ោយសូភី -៣សាលាបឋមសិក្សាពង្រ សង្កាត់អូរអំបិល មានទីតាំង២កន្លែង -១សាលាបឋមសិក្សា អូរអំបិល -២សាលាបឋមសិក្សាគោរដ្ឋាន សង្កាត់ទឹកថ្លា មានទីតាំងចាត់២កន្លែង -១សាលាបឋមសិក្សា ទឹកថ្លា -២សាលាបឋមសិក្សា គាបសង សង្កាត់ម្កាក់ មាន២កន្លែង -១សាលារៀនបឋមសិក្សាឈូក -២សាលាបឋមសិក្សា មម្កាក់ សង្កាត់ភ្នៀត មាន២ទីតាំង និងសង្កាត់កោះពង់សត្វ ២ទីតាំង។

លោកបានបញ្ជាក់ឲ្យដឹងទៀតថា យុទ្ធនាការនៃការចាក់វ៉ាក់សាំងដែលចាក់ជូនបងប្អូននាពេលនេះ គឺជាការគិតគូរពីសំណាក់ប្រមុខថ្នាក់ដឹកនាំ ដែលមានសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលសម្តេចបានខិតខំគ្រប់បែបយ៉ាង ដើម្បីរកវ៉ាក់សាំង និងបានដាក់ចេញវិធានការ សម្រាប់ចាក់ជូនប្រជាពល រដ្ឋឲ្យបានគ្រប់ៗគ្នា ដើម្បីការពារពីការចម្លងជំងឺកូវីដ-១៩ ចូលក្នុងខ្លួនយើង និងសហគមន៍៕

អត្ថបទ ៖ វ៉ាន់ ណាង