KPT+

មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

បានផុស

៥ years មុន

នៅ

ថ្ងៃចន្ទ ១៩ កក្កដា ២០២១

ដោយ

ការចម្លងវីរុសកូវីដនាបច្ចុប្បន្ននេះ មានសន្ទុះកើនឡើងលើយុវវ័យជាពិសេស ដោយសារក្រុមនេះ ដើរចេញក្រៅផ្ទះច្រើនជាងមនុស្សចាស់ ឬមានការជួបជុំមិត្តភ័ក្ដិភឿនបនឬដៃគូទំនាក់ទំនង ហើយតែងគិតថាជារឿងធម្មតាសម្រាប់ពួកគេ។

ជាពិសេសក្មេងឬយុវជន តែងមើលរំលងវិធីសាស្ត្ររបស់ក្រសួងសុខាភិបាល ហើយគិតថា ឲ្យតែពាក់ម៉ាសបាញ់អាកុលពេលចេញក្រៅគឺបានហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិត វាមិនខុសនោះទេ នៅការលើកឡើងរបស់យុវវ័យនៃសម័យជឿនលឿន និងមានយល់ដឹងច្បាស់ជាងមនុស្សចាស់។ ប៉ុន្តែអ្នកត្រូវចាំថា ទោះបីជាក្មេងមានសុខភាពល្អហើយរឹងមាំជាងមនុស្សចាស់ ប៉ុន្តែមិនថាយើងបានការពារយ៉ាងណាក៏ដោយ វានៅតែមានហានិភ័យចម្លង និងឆ្លងចូលមកក្នុងខ្លួនដដែល។

តួយ៉ាងដូចជា៖

១ បំពានវិធានការរបស់ក្រសួងសុខាភិបាល ៣កុំ ៣ការពារ។

២ ខ្វះការប្រុងប្រយ័ត្ន និងគិតថាខ្លួនឯងរឹងមាំសុខភាពល្អ បើឆ្លងក៏ឆាប់ជាមកវិញរហ័ស។

៣ ខ្វះការពារជាមួយមនុស្សជិតស្និទ្ធ គិតថាពួកគេមិននាំរោគមកចម្លងខ្លួន។

៤ សំអាងលើវ៉ាក់សាំង ហើយគិតថា បើឆ្លងគឺស្រាលជាងមនុស្សមិនចាក់។

៥ ដើររហេតរហូតគ្រប់ទីកន្លែង សប្បាយអឹងកង មិនគិតពីហានិភ័យជុំវិញ ( ជាពិសេសមនុស្សខ្លួនមួយឬរស់នៅផ្ទះជួលតែឯង មិនបានរស់នៅជុំគ្រួសារដូចសមាជិកផ្សេង ) ។

យុវវ័យច្រើនភ្លើតភ្លើន ហើយនិយមទៅកន្លែងមនុស្សជួបជុំអ៊ូរអរច្រើន កន្លែងមនុស្សនៅជិតៗគ្នា និងកន្លែងដែលបិទជិត មានហានិភ័យឆ្លងខ្ពស់បំផុត ដូចជាជួបជុំគ្នា ដើម្បីទទួលទានអាហាររួមគ្នា ការផឹកកាហ្វេក្នុងហាងកក់កុញមនុស្ស ឬបង្កឲ្យមានជួបជុំពិធីភ្ជាប់ពាក្យ ឬពិធីបុណ្យទានអ្វីមួយ ។

ដើម្បីការពារខ្លួនឯងសូមកាត់បន្ថយការធ្វើដំណើរចល័ត ឬនៅផ្ទះ ប្រសិនមិនមានភារកិច្ចចាំបាច់ត្រូវចេញក្រៅទេ។ កុំនាំវីរុសមកចូលផ្ទះ និងត្រូវការពារសមាជិកគ្រួសារ ជាពិសេស ឪពុកម្ដាយ ជីដូន ជីតា ឬអ្នកមានជំងឺប្រចាំកាយនៅក្នុងគ្រួសារ ដែលជាបុគ្គលងាយរងគ្រោះ និងប្រឈមខ្ពស់ចំពោះភាពធ្ងន់ធ្ងរនៃជំងឺ ឬឈានទៅដល់ការស្លាប់បើមានការឆ្លងនូវជំងឺនេះ។

មុនចាកចេញពីផ្ទះ សូមគិតឲ្យបានដិតដល់ថា ការចេញក្រៅរបស់យើងនាំប្រយោជន៏អ្វីមកខ្លះ! ហើយអ្វីដែលសំខាន់សូមគិតដល់អ្នករស់នៅផ្ទះជាមួយយើងជាមុន។