សុខភាព

ម្នាក់ក្នុងចំណោម ៣នាក់ ឆ្លងកូវីដដោយមិនដឹងខ្លួន និងគ្មានរោគសញ្ញាអ្វីទាំងអស់

បានផុស

៥ years មុន

នៅ

ថ្ងៃសៅរ៍ ២៤ កក្កដា ២០២១

ដោយ

រោគសញ្ញាកូវីដ-១៩ មួយចំនួនធំ ស្រដៀងនឹងជំងឺផ្ដាសាយធំមែនទែន គ្រាន់តែថា បើយើងឆ្លងយូរ ជំងឺកូវីដ អាចធ្វើឲ្យពិបាកដកដង្ហើម និងគ្រោះថ្នាក់ដល់អាយុជីវិតបាន។ នេះចំពោះអ្នកឆ្លងកូវីដ-១៩ មានរោគសញ្ញា ចំណែកក្នុងករណីខ្លះ អ្នកឆ្លងជំងឺកូវីដ-១៩ មិនមានបង្ហាញរោគសញ្ញាអ្វីទាំងអស់ ក៏ប៉ុន្តែក្នុងខ្លួនមានផ្ទុកវីរុស និងអាចចម្លងទៅមនុស្សជុំវិញខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីនេះ មានន័យថា យើងអាចវិជ្ជមានកូវីដ-១៩ តែមិនមានចេញរោគសញ្ញាអ្វីទាំងអស់ ពិសេសបើយើងរស់នៅជាមួយអ្នកកើតកូវីដ-១៩ តែយើងគ្មានរោគសញ្ញា។ បើយោងតាមអង្គការសុខភាពពិភពលោក (WHO) ឲ្យដឹងថា អ្នកជំងឺកូវីដ ១៩ ម្នាក់ក្នុងចំណោម ៣ នាក់ ឆ្លងជំងឺកូវីដ ១៩ដោយមិនដឹងខ្លួន និងមិនមានរោគសញ្ញា ប៉ុន្តែអាចចម្លងវីរុសទៅអ្នកដទៃបាន។

បើយើងឆ្លងតែគ្មានរោគសញ្ញាកូវីដ-១៩ ថែមទាំងអាចចម្លងទៅអ្នកដទៃ មានន័យថា វាបង្កើនហានិភ័យសម្រាប់សុខភាពខ្លួន និងមនុស្សក្បែរខ្លួន ព្រោះយើងគិតថា យើងមិនមានផ្ទុកវីរុសកូវីដ-១៩។ យ៉ាងហោចណាស់ អ្នកជំងឺកម្រិតស្រាល ក៏មានរោគសញ្ញាដូចជំងឺផ្ដាសាយដែរដូចជា ក្អកស្ងួត និងគ្រុនក្ដៅ បញ្ជាក់ថាយើងកើតជំងឺកូវីដ-១៩ ត្រូវព្យាបាល និងដាក់ខ្លួនដាច់ដោយឡែក ការពារសុខភាពអ្នកដទៃដែរ។

ហេតុដូចនេះ អង្គការសុខភាពពិភពលោក (WHO) ណែនាំយើងគ្រប់រូបបន្តការពារខ្លួនពីជំងឺកូវីដ ១៩ធម្មតា ឬវីរុសបំប្លែងកូវីដ-១៩ ដទៃ ដោយ៖

រក្សាចម្ងាយយ៉ាងហោចណាស់ ១,៥ម៉ែត្រ ពីអ្នកដទៃ
ចៀសវាងកន្លែងដែលមានមនុស្សច្រើន និងកន្លែងមិនមានខ្យល់ចេញចូល
ក្អក និងកណ្ដាស់ដាក់កែងដៃ
លាងសម្អាតដៃញឹកញាប់
ពាក់ម៉ាស៕

អត្ថបទផ្ដល់ដោយ៖Hello Krupet

ចុចអាន៖មូលហេតុដែលយុវវ័យ មានសន្ទុះនៃការឆ្លងកូវីដលឿន ជាងមនុស្សចាស់

ចុចអាន៖៥ វិធី ជួយការពារ អ្នកមិនទាន់ចាក់វ៉ាក់សាំង មិនឲ្យឆ្លង វីរុសបំប្លែងខ្លួន Delta

ចុចអាន៖ក្រុមអ្នកជំនាញបញ្ជាក់ច្បាស់ៗថា កូវីដមិនឆ្លងតាមរយៈអាហារដែលយើងហូបឡើយ

Related Topics:ការថែទាំសុខភាព រោគសញ្ញាកូវីដ១៩

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា