តារាខ្មែរ ៦ ដួងលាលោកទៅហើយ​ តែបន្សល់ទុកស្នាដៃ និងកេរ្តិ៍ឈ្មោះសម្រាប់អ្នកគាំទ្រ

មហាជន និងអ្នកគាំទ្រជាច្រើននូវតែបង្ហាញការចងចាំ និងនឹករលឹកចំពោះសិល្បករ-សិល្បការិនីល្បីៗរបស់ខ្មែរចំនួន៦ដួងបើទោះបីជាពេល នេះពួកគេត្រូវបានបាត់បង់រូបកាយទៅឆ្ងាយហើយក្តី។

ជាការពិតរហូតមកទល់ពេលនេះគឺអស់រយ:ពេលយូរឆ្នាំកន្លងផុតទៅហើយដែលពួកគេបានបាត់បង់ ជីវិតដោយសារហេតុការណ៍ផ្សេងៗគ្នា។ លើកពីនេះគេក៏សង្កេតឃើញថាសម្រាប់តារាប្រុស-ស្រីទាំង៦រូបដែលនូវតែរក្សាបានកេរ្តិ៍ឈ្មោះនឹងការនឹកអាល័យពីទស្សនិកជនក្រោយពេលបាត់បង់ជីវិតនោះរួមមាន៖

១.តារាចម្រៀងប្រុសលោក រាជ បូរី បានស្លាប់បាត់ បង់ជីវិតដោយសារគ្រោះថ្នាក់ចរាចរណ៍នៅថ្ងៃទី ១៦ខែមេសា ឆ្នាំ២០១៩ នៅក្រុងប៉ោយប៉ែតខេត្តបន្ទាយមានជ័យ បន្ទាប់ពីត្រឡប់មកដើរកម្សាន្តនៅប្រទេសថៃជាមួយមិត្តភក្តិ។

២. តារាចម្រៀងលោក វណ្ណ មករាបានទទួលមរណភាពកាលពីយប់ថ្ងៃទី០៩ ខែមករា ឆ្នាំ២០១៦ ដោយ សារជួបគ្រោះថ្នាក់ចរាចរណ៍ក្រឡាប់រថយន្តនៅផ្លូវជាតិលេខ៤ម្តុំលោកយាយម៉ៅ។

៣.តារាចម្រៀង ស្រីផលិតកម្មហង្សមាស និងជាអតីតបេក្ខភាពកម្មវិធី«The Voice Cambodia» រដូវកាល​ទី២​ សាន ស្រីឡៃ ត្រូវបានប្តីបាញ់សម្លាប់គួរឱ្យរន្ធត់នៅក្នុងគ្លីនិកមួយកន្លែងក្នុងសង្កាត់បឹងកេង កងទី១ ខណ្ឌចំការមន រាជធានីភ្នំពេញកាលពីថ្ងៃទី ១៦ខែតុលាឆ្នាំ ២០១៧។

៤.អ្នកនាង តាក់ ចន្ធី ដែលជាតារាចម្រៀង Rock and Roll បានទទួលមរណភាពដោយគ្រោះថ្នាក់ចរាចរណ៍កាលពីយប់ថ្ងៃទី២០ខែមីនាឆ្នាំ២០១៨ នៅម្ដុំភ្លើងស្តុបទន្លេបាសាក់ក្នុងខណ្ឌចម្ការមន រាជធានីភ្នំពេញ។អ្នកនាងបានស្លាប់ភ្លាមៗបន្ទាប់ពីការធ្វើដំណើរដោយរ៉ឺម៉កកង់បីហើយត្រូវរថយន្តបុកពេញទំហឹង។

៥.តារាចម្រៀងកញ្ញា ខេមរៈ ស្រីពៅ បានទទួលមរណ ភាពកាលពីថ្ងៃទី២៥ខែមករាឆ្នាំ២០១៩ដោយសារបញ្ហាជំងឺគ្រលៀន សួតធ្ងន់ធ្ងរ បន្ទាប់ពីបញ្ជូនទៅព្យាបាលនៅប្រទេសឥណ្ឌាមួយរយៈ។

៦.តារាចម្រៀងចេះពីរភាសារគឺខ្មែរ-ចិនអ្នកនាង ស៊ិន ឧត្តមផល្លា បានទទួលមរណភាពកាលពីថ្ងៃទី២៨ ខែឧសភា ឆ្នាំ២០២១ ដោយសារជំងឺមហារីកកូនកណ្តុរមិនអាចព្យាបាលសង្គ្រោះជីវិតបានឡើយ។

សូមបញ្ជាក់ដែរថាដំណឹងមរណទុក្ខដ៏ក្រៀមក្រំនិងសោកសៅចំពោះអ្នកសិល្ប:ទាំង៦រូបនេះបានធ្វើឲ្យអ្នកសិល្ប:រួមអាជីពព្រមទាំងអ្នកគាំទ្រមួយចំនួនធំបានសម្តែងការចូលរួមសោកស្តាយយ៉ាងខ្លាំងជាមួ យក្រុមគ្រួសារសព។ ម្យ៉ាងនេះក៏ជាការបាត់បង់ធន ធានសិល្ប:ដ៏មានតម្លៃផងដែរ៕ ដោយៈ ចាន់រ៉ា