ព័ត៌មានអន្ដរជាតិ
អ្នកស្រាវជ្រាវរកឃើញថា ថ្នាំបញ្ចុះខ្លាញ់ កាត់បន្ថយពេលព្យាបាលអ្នកជំងឺកូវីដធ្ងន់ធ្ងរយ៉ាងមានប្រសិទ្ធភាព
ក្រុមសាស្ត្រាចារ្យ Yaakov Nahmias នៅសាកលវិទ្យាល័យ Hebrew នៃទីក្រុង Jerusalem បានរាយការណ៍ថា មេរោគកូវីដបង្កឲ្យមានការប្រមូលផ្ដុំជាតិខ្លាញ់ខុសពីធម្មតា និងត្រូវបានគេដឹងថាចាប់ផ្ដើមដំណើរការរលាកធ្ងន់ធ្ងរ ដែលគេហៅថាជាតិខ្លាញ់ពុល។
ក្រុមនេះបានកំណត់អត្តសញ្ញាណថ្នាំបញ្ចុះខ្លាញ់ TriCor (fenofibrate) ជាថ្នាំប្រឆាំងវីរុសដ៏មានប្រសិទ្ធភាពកាលពីឆ្នាំមុន ដោយបង្ហាញថាវាកាត់បន្ថយការខូចខាតកោសិកាសួតនិងរារាំងការចម្លងមេរោគនៅក្នុងមន្ទីរពិសោធន៍។ លទ្ធផលទាំងនេះត្រូវបានបញ្ជាក់ដោយក្រុមស្រាវជ្រាវអន្តរជាតិជាច្រើន។
នៅក្នុងការស្រាវជ្រាវបើកចំហអ្នកជំងឺកូវីដ ដែលកំពុងសម្រាកព្យាបាលនៅមន្ទីរពេទ្យធ្ងន់ធ្ងរចំនួន ១៥ នាក់មានជំងឺរលាកសួតត្រូវការការគាំទ្រអុកស៊ីសែននិងព្យាបាល។ បន្ថែមពីលើស្តង់ដារនៃការថែទាំអ្នកជំងឺត្រូវបានគេផ្តល់ឲ្យ ១៤៥ មីលីក្រាម/ថ្ងៃនៃ TriCor រយៈពេល ១០ ថ្ងៃ ហើយត្រូវបានត្រួតពិនិត្យជាបន្តបន្ទាប់ចំពោះការវិវត្តនិងលទ្ធផលនៃជំងឺ។
លោក Nahmias បាននិយាយថា“ លទ្ធផលគឺគួរឲ្យភ្ញាក់ផ្អើលពិតមែន! សញ្ញាសម្គាល់ដំណើរការរលាកដែលជាសញ្ញាណសំខាន់នៃជំងឺកូវីដ បានធ្លាក់ចុះក្នុងរយៈពេល ៤៨ ម៉ោង បន្ទាប់ពីការព្យាបាល។ លើសពីនេះទៅទៀតអ្នកជំងឺធ្ងន់ធ្ងរ ១៤ នាក់ក្នុងចំណោម ១៥ នាក់ មិនត្រូវការការគាំទ្រអុកស៊ីសែនក្នុងរយៈពេលមួយសប្ដាហ៍នៃការព្យាបាល ខណៈដែលកំណត់ត្រាប្រវត្តិសាស្ត្របង្ហាញថា ភាគច្រើនអ្នកធ្ងន់ធ្ងរដែលត្រូវបានព្យាបាលតាមស្តង់ដារនៃការថែទាំ គឺត្រូវការការដកដង្ហើមវែងៗ” ។
លទ្ធផលរបស់ថ្នាំ TriCor ត្រូវបានអនុម័តដោយ FDA នៅឆ្នាំ ១៩៧៥ សម្រាប់ការប្រើប្រាស់រយៈពេលវែងនិងមានកំណត់ត្រាសុវត្ថិភាពខ្ពស់។ លោក Nahmias បានសង្កត់ធ្ងន់ថា “ TriCor មានសុវត្ថិភាពជាងថ្នាំដទៃទៀតដែលបានស្នើឡើងនាពេលបច្ចុប្បន្ន ហើយយន្តការនៃសកម្មភាពរបស់វាមិនសូវមានលក្ខណៈជាក់លាក់ទេ” ។
ចំពោះការរកឃើញបឋមទាំងនេះ ជួយបន្ធូរបន្ថយបន្ទុកសុខភាពយ៉ាងច្រើន ដែលអ្នកជំងឺបានឆ្លងកាត់ពីដំណាក់កាលធ្ងន់ធ្ងរនៃជំងឺកូវីដ ៕
ប្រែសម្រួល៖ សាង ស្រីល័ក្ខ
ចុចអាន៖វ៉ាក់សាំងដូសទី ៣ លើសខ្វះថ្ងៃមិនបញ្ហា តែបើដល់ថ្ងៃចាក់ប្រហែសរឿងអស់នេះ អាចមានផលវិបាកធ្ងន់ធ្ងរ
ចុចអាន៖វិបត្តិ Delta ស្វែងយល់ឲ្យមែនទែន ពីភាពខុសគ្នារវាងផ្ដាសាយនិងរលាកសួត ចៀសវាងទុកយូរនាំធ្ងន់ធ្ងរ
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន