សុខភាព

កំពូលអាហារ ៤មុខឆ្ងាញ់ៗ តែអាចធ្វើឲ្យធ្មេញលឿងសាហាវ

បានផុស

៥ years មុន

នៅ

ថ្ងៃព្រហស្បតិ៍ ២៦ សីហា ២០២១

ដោយ

Sonya

ជឿថា គ្នាយើងគ្មានអ្នកណាចង់ឲ្យធ្មេញលឿង ញញឹមចេញមកមិនស្រស់ស្រាយទេ ហើយធ្មេញលឿងក៏មិនមែនជាបញ្ហាធំដុំដែរ គ្រាន់តែវាអាចធ្វើឲ្យយើងមិនមានទំនុកចិត្តខ្លាំងពេលញញឹម បាក់សម្រស់តែប៉ុណ្ណឹង។ ម៉្យាងវិញទៀត ការសម្អាតធ្មេញឲ្យសឡើងវិញ ក៏តម្លៃអាចលើសពីការស្មាន យកល្អយើងអាចកម្ចាត់បញ្ហាធ្មេញលឿងជាមួយការតម ឬកាត់បន្ថយការញ៉ាំអាហារប៉ុន្មានខាងក្រោមនេះ ព្រោះវាធ្វើឲ្យធ្មេញឡើងពណ៌ស្រអាប់ខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កាហ្វេ ឬតែ

Drinking 6 Cups of Coffee a Day? Your Brain May Pay For It Later, Says a Large Study

មិនថាយើងញ៉ាំកាហ្វេ តែ ឬក៏ភេសជ្ជៈកំប៉ុងផ្សេងៗនោះទេ យើងនឹងប្រឈមនឹងការធ្វើឲ្យធ្មេញយើងឡើងពណ៌លឿង។ កាហ្វេ និងតែ មានជាតិ Tannin ដែលអាចធ្វើឲ្យធ្មេញស្រអាប់ ហើយវាក៏ធ្វើឲ្យតុល្យភាព PH ក្នុងមាត់ផ្លាស់ប្ដូរជាហេតុបណ្ដាលឲ្យធ្មេញឆាប់ខូចដោយសារជាតិអាស៊ីដពីអាហារយើងញ៉ាំ។

២. ស្រា

wines 2020: Space rosé, luxe vending machines & enotourism: How wine will change in 2020 - The Economic Times

ស្រាក្រហមក៏ដោយ ស្រាសក៏ដោយ សុទ្ធតែអាចធ្វើឲ្យធ្មេញបាត់បង់ពណ៌សភ្លឺ ប្រែជាពណ៌លឿងបាន។ នៅក្នុងស្រាក្រហម មានជាតិ Tannin ដែលបណ្ដាលឲ្យធ្មេញយើងបាត់បង់ពណ៌សភ្លឺស្អាតក្លាយជាស្រអាប់វិញ។ ចំណែកស្រាស មានជាតិអាស៊ីដដែលមិនល្អចំពោះធ្មេញយើង។

៣. ពពួកផ្លែប៊ើរី

ត្បិតតែ ពពួកផ្លែប៊ើរីមានប្រយោជន៍រាប់មិនអស់សម្រាប់សុខភាពយើងក៏ពិតមែន ប៉ុន្តែសារជាតិពណ៌ក្រម៉ៅដែលវាមានអាចបណ្ដាលឲ្យធ្មេញលឿង ឬឡើងក្រហមតាមពណ៌ផ្លែប៊ើរី។ ប៉ុន្តែ បើយើងមិនចង់ឲ្យធ្មេញឡើងលឿងដោយសារការញ៉ាំផ្លែប៊ើរីទេ យើងអាចដុសធ្មេញភ្លាមៗក្រោយញ៉ាំវា ដើម្បីចៀសវាងពណ៌របស់វាជាប់លើធ្មេញ។

៤. ការី

ការីអាចជាអាហារដែលធ្វើឲ្យធ្មេញយើងលឿងពណ៌ខ្លាំងបំផុតមួយ ព្រោះវាមានសារជាតិមួយហៅថា Curcumin ដែលអាចធ្វើឲ្យធ្មេញលឿង ហើយកាលពីមុន ចំពោះរុក្ខជាតិណាដែលមានសារជាតិនេះ គេយកទៅធ្វើជាពណ៌ជ្រលក់កំណាត់ផ្សេងៗ ព្រោះវាមានពណ៌ដិត៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ឈឺធ្មេញពេលយប់ម្ដងម្កាល អាចប្រើវិធីទាំងនេះ ដោះស្រាយបានមួយគ្រាសិន

ចុចអាន៖ ទម្លាប់ខុសមួយចំនួន ដែលមនុស្សមានទំនោរធ្វើ បន្ទាប់ពីដុសធ្មេញរួច

Related Topics:មាត់-ធ្មេញ