សុខភាព

ក្រោយជាសះស្បើយពីកូវីដ បញ្ហាមួយវេជ្ជបណ្ឌិតជំរុញឲ្យទៅពិនិត្យជាប្រចាំ ចៀសវាងដល់កម្រិតគ្រោះថ្នាក់

បានផុស

៥ years មុន

នៅ

ថ្ងៃចន្ទ ៦ កញ្ញា ២០២១

ដោយ

វេជ្ជបណ្ឌិត Anutra Chittinandana ប្រធានរាជបណ្ទិតមហាវិទ្យាល័យគ្រូពេទ្យថៃ បានបង្ហោះនៅលើហ្វេសប៊ុករបស់លោកថា អ្នកជំងឺដែលបានជាសះស្បើយពីជំងឺកូវីដ -១៩ គួរតែទៅទទួលការពិនិត្យសុខភាពនៃតម្រងនោមជាប្រចាំ ព្រោះពួកគេកំពុងប្រឈមនឹងការខ្សោយតម្រងនោមធ្ងន់ធ្ងរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Astudy ដែលបានបោះពុម្ពផ្សាយនៅក្នុងទិនានុប្បវត្តិសមាគមសរសៃប្រសាទអាមេរិក ស្តីពីលទ្ធផលតម្រងនោមចំពោះអ្នកជំងឺកូវីដ ហើយបានប្រៀបធៀបអ្នកជំងឺដែលបានជាសះស្បើយចំនួន ៨៩,២១៦ នាក់ជាមួយមនុស្ស ១,៦៣៧,៤៦៧ នាក់ដែលមិនធ្លាប់ឆ្លង។

បន្ទាប់ពី៦ខែការស្រាវជ្រាវបានរកឃើញថា អត្រានៃការរងរបួសតម្រងនោមស្រួចស្រាវ ជំងឺតម្រងនោមដំណាក់កាលចុងក្រោយ និងតម្រងនោមធ្ងន់ធ្ងរ បានកើនឡើងក្នុងចំណោមអ្នកជំងឺកូវីដ ដែលបានជាសះស្បើយ ជាពិសេសអ្នកដែលបានសម្រាកព្យាបាលនៅមន្ទីរពេទ្យ ក្នុងបន្ទប់សង្រោះបន្ទាន់( ICU )។

លោកបានបន្ថែមថា“ ការសិក្សាក៏បានរកឃើញថា អត្រាតម្រងនោមតាមតម្រងនោម (eGFR) ដែលបានប៉ាន់ស្មានក្នុងចំណោមអ្នកជំងឺកូវីដ ក្រោយពេលមានជំងឺធ្ងន់ធ្ងរ អាចថយចុះដល់ ៥០ ភាគរយ” ។ ដូច្នេះអ្នកដែលបានជាសះស្បើយពីកូវីដ គួរតែប្រញាប់ទៅទទួលការពិនិត្យសុខភាពតម្រងនោមជាប្រចាំ មុនពេល eGFR ធ្លាក់ចុះដល់កម្រិតគ្រោះថ្នាក់ដល់ជីវិត៕

ប្រែសម្រួល៖ សាង ស្រីល័ក្ខ

ប្រភព៖nationthailand

ចុចអាន៖មិនថាធ្ងន់ស្រាល ក្រោយជាពីកូវីដហាមដាច់ខាតប្រើរាងកាយធ្វើរឿងទាំងនេះ ប្រយ័ត្នពិបាកខ្លួន

ចុចអាន៖ថៃ ទើបរកឃើញរោគសញ្ញាថ្មីមួយទៀត កើតចំពោះអ្នកជាសះស្បើយពីកូវីដ ១៩

Related Topics: