ព័ត៌មានជាតិ
ពលរដ្ឋប្តឹងហាងយីហោ ចំការននោង មានការជួបជុំផឹកស៊ីឡូឡាបង្កការរំខានដល់អ្នកជិតខាង
ប្រជាពលរដ្ឋបានប្តឹងសមត្ថកិច្ចហាងយីហោ «ចំការននោង» ស្ថិតនៅភូមិត្រពាំងស្លែង ឃុំភ្នំបាត ស្រុកពញាឮ ខេត្តកណ្ដាល ដែលមានការជួបជុំផឹកស៊ីឡូឡា បង្កការរំខានដល់អ្នកជិតខាង។
ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលខេត្តកណ្តាលសូមធ្វើការឆ្លើយតបទៅម្ចាស់គណនីហ្វេសបុកសុំមិនបញ្ចេញឈ្មោះដែលបានរាយការណ៍ក្នុងប្រអប់សារផេកស្នងការដ្ឋាននគរបាលខេត្តកណ្ដាលមានខ្លឹមសារថា៖ “ថ្ងៃទី១៨ ខែកញ្ញា ឆ្នាំ២០២១ ហាងនៅភូមិត្រពាំងស្លែង ឃុំភ្នំបាត ស្រុកពញាឮ ខេត្តកណ្ដាលដែលមានឈ្មោះយីហោថា ចំការននោង គឺពួកគាត់រំខានរហូតគេប្រាប់ម៉េចក៏មិនចេះស្ដាប់ កន្លែងណាមានរឿង គឺគាត់ដាក់កន្លែងនឹងកន្លែងណាប្រជាជនមិនចូលចិត្តគាត់ធ្វើ មេប៉ុស្ដិ៍បញ្ជានៅតែអញ្ចឹងច្រៀងឡូឡាតាំងពីថ្ងៃ មកដល់ស្មានេះ រកស្ដាប់អីមិនបានមើលទូរទស្សន៍ក៏ពិបាក បើសិនជាកន្លែងនេះនៅជិតផ្ទះរបស់អ្នកវិញតើអ្នកមានអារម្មណ៍បែបណា?”។
បន្ទាប់ពីទទួលបានព័ត៌មានខាងលើដោយមានការចង្អុលបង្ហាញពីក្រុមការងារព័ត៌មាន និងប្រតិកម្មរហ័សស្នងការដ្ឋាននគរបាលខេត្តកណ្ដាល លោកវរសេនីយ៍ឯក ដួង តេង អធិការនគរបាលស្រុកពញាឮ បានបញ្ជាឱ្យកម្លាំងផ្នែកនគរបាលយុត្តិធម៌សហការជាមួយកម្លាំងប៉ុស្ដិ៍នគរបាលរដ្ឋបាលភ្នំបាតចុះស្រាវជ្រាវទីតាំងខាងលើនោះភ្លាម ។
ជាលទ្ធផល នៅរសៀលថ្ងៃទី១៨ ខែកញ្ញា ឆ្នាំ២០២១ នៅពេលកម្លាំងចុះមកដល់ទីតាំងហាងខាងលើ ពុំមានភ្ញៀវជួបជុំផឹកស៊ីទេ បន្ទាប់មកកម្លាំងផ្នែកជំនាញក៏បានអាន និងបិទសេចក្តីសម្រេចលេខៈ ១៦៩ស.ស.រ របស់រដ្ឋបាលខេត្តកណ្តាលស្ដីពីការបន្តអនុវត្តវិធានការរដ្ឋបាលដោយផ្អាកជាបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់នៃការឆ្លងរាលដាលនៃជំងឺកូវីដ-១៩ និងការជួបជុំឬការប្រមូលផ្ដុំមនុស្សជាលក្ខណៈឯកជន នៅក្នុងភូមិសាស្ត្រខេត្តកណ្ដាលសម្រាប់រយៈពេល១៤(ដប់បួន)ថ្ងៃ បន្តទៀត ចាប់ពីថ្ងៃទី១០ ខែកញ្ញារហូតដល់ថ្ងៃទី២៣ ខែកញ្ញា ឆ្នាំ២០២១។
ជាមួយគ្នានេះដែរសមត្ថកិច្ចបានណែនាំនិងធ្វើកិច្ចសន្យាដល់ម្ចាស់ហាងយីហោ អាហារដ្ឋានចំការននោង ឈ្មោះ ហៀក ណាង ភេទប្រុស អាយុ៣៧ឆ្នាំ ជនជាតិខ្មែរ មុខរបរជួលដីគេធ្វើកញ្ចុះធ្វើអាជីវកម្ម ស្ថិតនៅក្នុងភូមិសាស្ត្រ ភូមិត្រពាំងស្លែង ឃុំភ្នំបាត ស្រុកពញាឮ ខេត្តកណ្តាល និងបានណែនាំឱ្យម្ចាស់ហាងខាងលើផ្អាកដំណើរការអាជីវកម្មជាបណ្តោះអាសន្នសិនដើម្បីទប់ស្កាត់ការរីករាលដាលនៃជំងឺកូវីដ-១៩៕
អត្ថបទ៖ សំអឿន
ចុចអាន៖ សមត្ថកិច្ចបង្ក្រាបបទល្មើសលួច ឆក់ ក្នុងរាជធានីបានជិត១០០នាក់ ក្នុង១ខែ
-
ព័ត៌មានជាតិ២ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ជីវិតកម្សាន្ដ៦ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៤ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៤ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ៦ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
កីឡា៣ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៤ ថ្ងៃ ago
បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ
-
ព័ត៌មានអន្ដរជាតិ២៣ ម៉ោង ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត