កូវីដ-១៩ ឆក់យកជីវិតប្អូនថ្លៃម្នាក់ របស់តារាពហុជំនាញ ខាត់ សុឃីម

នេះជាដំណឹងដ៏សោកសៅ និងក្រៀមក្រំបំផុត សម្រាប់ក្រុមគ្រួសាររបស់តារាពហុជំនាញ ខាត់ សុឃីម និងមិត្តអ្នកសិល្បៈ ខណ:ដែលប្អូនថ្លៃស្រី របស់អ្នកនាងបានទទួលមរណភាព ដោយសារជំងឺកូវីដ-១៩។

បើតាមការបញ្ជាក់ពីអ្នកនាង ខាត់ សុឃីម បានឲ្យដឹងដូច្នេះថា «ម្សិលមិញនៅឃើញមុខ ថ្ងៃនេះប្អូនទៅដោយមិនបានលា។ បងសោកស្តាយណាស់ ណែតអើយ សូមជាតិក្រោយអោយប្អូនអាយុវែងណា។ Covid-19 បានឆក់យកជីវិតប្អូនថ្លៃល្អរបស់ខ្ញុំ ដែលត្រូវជាប្រពន្ធប្អូនប្រុសទី៦ Khat Yay ប្អូនរឹងមាំឡើងណា»។

ដោយឡែនៅលើគណនីហ្វេសប៊ុកឈ្មោះ សម្បត្តិ សន ក៏បានរៀបរាប់ដែរថា «នៅយប់ថ្ងៃទី១៣ ខែតុលា ឆ្នាំ២០២១ វេលាម៉ោង ៨និង៣០នាទី ក្រុមគ្រួសារយើងខ្ញុំទាំងអស់គ្នា មានទុក្ខក្រៀមក្រំជាពន់ពេក ដោយប្អូនស្រី លីម ស្រីណែត បានទទួលមរណភាព។ យើងទាំងអស់គ្នា ពិតជាសោកស្តាយប្អូនខ្លាំងណាស់។ ចាប់ពីពេលនេះតទៅ  បងប្អូនយើងទាំងអស់គ្នា លែងបានឃើញជួបជុំប្អូនទៀតហើយ»។

ប្រភពបន្ថែមថា «យើងពិតជាពិបាកទទួលយកណាស់ប្អូន។ សូមឧទ្ទិសកុសលផលបុណ្យទាំងអស់ ជូនវិញ្ញាណក្ខន្ធប្អូនទៅកាន់សុគតិភពជាឋានបរមលោក ហើយយជាតិៗមុខ សូមឲ្យបងប្អូនយើងងនៅជាបងប្អូន នឹងគ្នាទៀត និងអាយុវែងគ្រប់ៗ គ្នា ណាប្អូនស្រី»៕

អត្ថបទ៖ ចាន់រ៉ា

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត