ព័ត៌មានអន្ដរជាតិ

រដ្ឋមន្ត្រីព័ត៌មានសេតវិមានអាមេរិកឆ្លងកូវីដ ក្រោយជួបលោក បៃដិន ៤ថ្ងៃមុន

បានផុស

៥ years មុន

នៅ

ថ្ងៃចន្ទ ១ វិច្ឆិកា ២០២១

ដោយ

រដ្ឋមន្ត្រីទទួលបន្ទុកសារព័ត៌មាន លោកស្រី Jen Psaki នៅសេតវិមានរបស់លោកប្រធានាធិបតីសហរដ្ឋអាមេរិក ចូ បៃដិន បានឆ្លងកូវីដ-១៩ដែលបានរកឃើញកាលពីថ្ងៃអាទិត្យម្សិលមិញ។

លោកស្រី Psaki អាយុ៤២ឆ្នាំមិនបានធ្វើដំណើរជាមួយលោក ចូ បៃដិន ទៅចូលរួមកិច្ចប្រជុំកំពូល G20 កាលពីចុងសប្តាហ៍កន្លងទៅនេះនៅទីក្រុងរ៉ូមទេ។ លោកប្រធានាធិបតីក៏បន្តធ្វើដំណើរទៅចូលរួមកិច្ចប្រជុំកំពូលស្តីពីអាកាសធាតុ Cop26 នៅទីក្រុង Glasgow ក្នុងសប្តាហ៍នេះ។ លោក បៃដិន ត្រូវបានរួមដំណើរជាមួយដោយអនុរដ្ឋមន្ត្រីព័ត៌មានលោកស្រី Karine Jean-Pierre។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព័ត៌មាននៃការតេស្តវិជ្ជមានកូវីដ-១៩របស់ជំនួយការជិតដិតលោកប្រធានាធិបតីបានកើតឡើងតាំងពីជាងមួយឆ្នាំ បន្ទាប់ពីមានការផ្ទុះនៅសេតវិមាន ឈានដល់លោកប្រធានាធិបតី ដូណាល់ ត្រាំ ដែលបានធ្លាក់ខ្លួនឈឺ និងត្រូវបានបញ្ជូនទៅព្យាបាលនៅមន្ទីរពេទ្យ។

ក្នុងសេចក្តីប្រកាស លោកស្រី Psaki បាននិយាយថា លោកស្រីបានជួបលោក ចូ បៃដិន អាយុ៧៨ឆ្នាំកាលពីថ្ងៃពុធដែលអង្គុយឆ្ងាយពីគ្នាប្រហែល១.៨២ម៉ែត្រ ហើយពួកគាត់ពាក់ម៉ាស់ដូចគ្នា។

កាលពីថ្ងៃសៅរ៍ លោក បៃដិន បានធ្វើតេស្តអវិជ្ជមាន។ លោកស្រី Psaki បាននិយាយថា លោកស្រីស្ថិតនៅសហរដ្ឋអាមេរិក ដោយសារមានធុរៈគ្រួសារបន្ទាន់ដែលសមាជិកគ្រួសារក៏តេស្តឃើញឆ្លងកូវីដ។ លោកស្រីមានកូនពីរនាក់។

លោកស្រីបន្តថា ៖«ចាប់តាំងពីពេលនោះមក ខ្ញុំបាននៅដាច់ដោយឡែកពីគេ ហើយធ្វើតេស្តដោយឧបករណ៍ PCR អវិជ្ជមានកាលពីថ្ងៃពុធ ព្រហស្បតិ៍ សុក្រ និងសៅរ៍ តែថ្ងៃនេះ (អាទិត្យ)ខ្ញុំរកឃើញវិជ្ជមានកូវីដ»។

លោកស្រីមានប្រសាសន៍ថា ៖«ពេលខ្ញុំមិនបានទំនាក់ទំនងជិតស្និទ្ធជាមួយលោកប្រធានាធិបតី ឬមន្ត្រីជាន់ខ្ពស់ណាម្នាក់នៅសេតវិមាន ចាប់តាំងពីថ្ងៃពុធ ហើយធ្វើតេស្តអវិជ្ជមានរយៈពេល៤ថ្ងៃជាប់គ្នា ខ្ញុំកំពុងលាតត្រដាងពីការធ្វើតេស្តវិជ្ជមានថ្ងៃនេះដោយមានតម្លាភាព»។

«អរគុណដល់វ៉ាក់សាំងដែលជួយខ្ញុំមានរោគសញ្ញាស្រាលដែលអាចធ្វើការពីផ្ទះធម្មតា»៕

ប្រែសម្រួល៖ វីរបុត្រ
ប្រភព៖ theguardian

Related Topics:កូវីដ-១៩