វីរុសកូវីដបំប្លែងខ្លួន ធន់នឹងវ៉ាក់សាំងបន្ថែមទៀត នឹងលេចចេញក្នុងពេលឆាប់ៗ (មានវីដេអូ)

សារព័ត៌មាន Sky News រាយការណ៍ថា រដ្ឋមន្ត្រីទីមួយរបស់ប្រទេសវែលស៍​ បានសម្តែងការព្រួយបារម្ភថា វីរុសកូវីដ-១៩បំប្លែងខ្លួនថ្មី ដែលធន់នឹងវ៉ាក់សាំងបន្ថែមទៀត នឹងលេចចេញក្នុងពេលឆាប់ៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mark Drakeford បាននិយាយថា ករណីកូវីដនឹងបន្តកើនឡើង ហើយសឹងតែ១០០%ទៅហើយ ដែលថា វីរុសបំប្លែងខ្លួនថ្មីនឹងលេចឡើងនៅក្នុងចក្រភពអង់គ្លេស។

យ៉ាងហោចណាស់មានលទ្ធភាពដែលវីរុសបំប្លែងខ្លួននោះ នឹងប្រែទៅជាវីរុសបំប្លែងខ្លួន មានភាពធន់នឹងវ៉ាក់សាំង ជាងប្រភេទបច្ចុប្បន្នដែលយើងមាន។

មានវីរុសកូវីដបំប្លែងខ្លួនរីករាលដាលពាសពេញចក្រភពអង់គ្លេសរួចទៅហើយ ខណៈវីរុសក្លាយពូជពី Delta ឈ្មោះ AY.4.2 បានវាយលុកកាន់តែខ្លាំងនៅចក្រភពអង់គ្លេស ជាហេតុបង្កើនក្តីព្រួយបារម្ភក្នុងចំណោមអ្នកជំនាញ។

លោកស្រីវេជ្ជបណ្ឌិត Rochelle Walensky នាយកមជ្ឈមណ្ឌលគ្រប់គ្រង និងការពារជំងឺ (CDC) បាននិយាយថា វីរុសក្លាយពូជ AY.4.2 ក៏បានធ្វើដំណើរទៅកាន់សហរដ្ឋអាមេរិកផងដែរ។ លោកស្រី​បន្ត​ថា ​មិន​ទាន់​មាន​ហេតុផល​សំខាន់​ណា​មួយ​ដែល​ត្រូវ​ភ័យ​ស្លន់ស្លោ​នៅ​ឡើយ​ទេ ប៉ុន្តែ CDC នឹង​តាម​ដាន​ចង្កោម​ដែល​មាន​សក្តានុពល៕

ប្រែសម្រួល៖ Vann Vann

ប្រភព៖ Deseret

សូមទស្សនាវីដេអូ៖

ចុចអាន៖ អ្នកវិទ្យាសាស្រ្តរកឃើញវីរុសកូវីដបំប្លែងខ្លួន គ្រោះថ្នាក់ មិនខ្លាចវ៉ាក់សាំង