ព័ត៌មានជាតិ

ឆ្មក់ចូលក្នុងបន្ទប់ ខារ៉ាអូខេ ក្តោបបានក្រុមស្ទាវ៤នាក់ និងថ្នាំញៀន ៣ ប្រភេទ

បានផុស

៥ years មុន

នៅ

ថ្ងៃសុក្រ ១២ វិច្ឆិកា ២០២១

ដោយ

បាត់ដំបង ៖ ក្រុមក្មេងស្ទាវចំនួន ៤ នាក់ ត្រូវបានកម្លាំងអធិការដ្ឋាននគរបាល ស្រុកកំរៀង ក្តោបជាប់នៅក្នុងបន្ទប់ខារ៉ាអូខេ ខណៈដែលពួកគេកំពុងប្រើប្រាស់ និងត្រៀមចែកចាយថ្នាំញៀនជាក់ស្តែង។

កិច្ចប្រតិបត្តិការនេះបានធ្វើឡើងកាលពីវេលាម៉ោង ១០ និង ២៥ នាទីយប់ ថ្ងៃទី១០ ខែវិច្ឆិកា ឆ្នាំ២០២១ នៅក្នុងបន្ទប់ខារ៉ាអូខេមួយកន្លែង យីហោ វីធូ ស្ថិតក្នុងភូមិស្វាយធំ ឃុំបឹងរាំង ស្រុកកំរៀង ខេត្តបាត់ដំបង។

នៅក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនក្រុមក្មេងស្ទាវចំនួន ៤ នាក់ ដែលមានឈ្មោះ ១.ឈ្មោះ វ៉ន សុភា ភេទប្រុស អាយុ២៧ឆ្នាំ ២.ឈ្មោះ វ៉ន សុផល ភេទប្រុស អាយុ២៥ឆ្នាំ ៣.ឈ្មោះ ហម វ៉ាន់ដេត ភេទស្រី អាយុ២៨ឆ្នាំ អ្នកទាំង៣ រស់នៅភូមិស្វាយធំ ឃុំបឹងរាំង ស្រុកកំរៀង និង៤.ឈ្មោះ វឹង ដាវីត ភេទប្រុស អាយុ២៦ឆ្នាំ រស់នៅភូមិដូង ឃុំបឹងរាំង ស្រុកកំរៀង។

វត្ថុតាងដែលសមត្ថកិច្ចដកហូតបានរួមមាន ថ្នាំញៀនប្រភេទ ខេតាមីន (ថ្នាំគ្រវី) ចំនួន ៥ ថង់ មានទម្ងន់ ៣៧,៩៩ ក្រាម ថ្នាំញៀនប្រភេទ អ៊ិចស្តាស៊ី ចំនួន ១៧៨ គ្រាប់ ថ្នាំញៀនប្រភេទម៉ាទឹកកក ចំនួន១ថង់ មានទម្ងន់ ៨៧,៧០ ក្រាម ទូរសព្ទដៃចំនួន ៤ គ្រឿង ជញ្ជីងសម្រាប់ថ្លឹងថ្នាំញៀនចំនួន២ និងសម្ភារ:សម្រាប់វេចខ្ចប់មួយចំនួន ដោយបច្ចុប្បន្នជនសង្ស័យទាំង៤នាក់ ត្រូវបានកម្លាំងសមត្ថកិច្ចបញ្ជូនទៅកាន់ការិយាល័យជំនាញហើយ ដើម្បីចាត់ការតាមនីតិវិធី៕

ដោយ ៖ សោ និយមរ័ត្ន

Related Topics:ខេត្តបាត់ដំបង