សន្តិសុខសង្គម

ផ្លោះរបងលួចម៉ូតូ ២ គ្រឿងសមត្ថកិច្ចកំណត់ជនសង្ស័យជាមុខសញ្ញាចាស់

បានផុស

៥ years មុន

នៅ

ថ្ងៃអាទិត្យ ២៨ វិច្ឆិកា ២០២១

ដោយ

ខេត្តបាត់ដំបង៖ ម៉ូតូ២គ្រឿងរួមនិងទ្រព្រសម្បត្តិមួយចំនួនទៀតរបស់ប្រជាពលរដ្ឋ ត្រូវបានជនមិនស្គាល់មុខបានផ្លោះរបងចូលទៅលួចយក ហើយជិះគេចខ្លួនដោយសុវត្ថិភាព នៅពេលម្ចាស់ផ្ទះកំពុងលង់ដំណេក។

ក្រោយចុះពិនិត្យលើករណីនេះ សមត្ថកិច្ចបានសន្និដ្ឋានថាអំពើចោរកម្មនេះទំនងបានកើតឡើងលើសពីម៉ោង ៣ រំលងអធ្រាត្រថ្ងៃទី២៧វិច្ឆិកា ស្ថិតក្នុងភូមិបែកចានថ្មី សង្កាត់ព្រែកព្រះស្ដេចក្រុងបាត់ដំបង ខណះព្រឹកឡើងទើបម្ចាស់ផ្ទះដឹងក៏បានទៅប្តឹងសមត្ថកិច្ចតែម្តង។

បើតាមជនរងគ្រោះ ឈ្មោះទិត្យ សុផាតហៅខ្ញីប្រុស អាយុ៣២ឆ្នាំ ជាម្ចាស់ផ្ទះរស់នៅក្នុងភូមិសង្កាត់កើតហេតុខាងលើបានរៀបរាប់ប្រាប់សមត្ថកិច្ចថា ខ្លួនបានបាត់ម៉ូតូ០២គ្រឿង ខ្សែដៃអង្កាំស្រោបមាស០១ខ្សែ ប្រាក់ខ្មែរនិងប្រាក់ដុល្លារមួយចំនួនទៀត។ ម៉ូតូដែលជនមិនស្គាល់មុខលួចទាំង០២គ្រឿងនោះមានម៉ាកPCX ពណ៌ឈាមជ្រូកស៊េរីឆ្នាំ២០១៨ ពាក់ស្លាកលេខ 1Y.5986 និងម៉ាក CLickពណ៌សស៊េរីឆ្នាំ២០១៧ ពាក់ស្លាកលេខ1AC.9558។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះបានសន្និដ្ឋានប្រាប់សមត្ថកិច្ចថា សកម្មភាពរបស់ជនមិនស្គាល់មុខជាចោរ មុនកើតហេតុបានធ្វើសកម្មភាពផ្លោះរបងរួចចូលទៅក្នុងផ្ទះដើររើកកាយរកសោផ្ទះ និងសោទ្វាររបងខាងមុខ ទើបបានលួចយកលុយ ខ្សែដៃនិងយកសោម៉ូតូដែលទុកលើតុ រួចចាក់សោម៉ូតូនិងសោរបងជិះចេញដោយសុវត្ថិភាពតែម្ដង។

ករណីខាងលើសមត្ថកិច្ចបានបង្ហើបថា ជនសង្ស័យកម្លាំងជំនាញបានកំណត់មុខសញ្ញាបានខ្លះៗដែរហើយ ដោយសមត្ថកិច្ចសន្និដ្ឋានថាមុខសញ្ញាគឺជាមុខមុខសញ្ញាចាស់ធ្លាប់ជាប់គុកស្ទើររាប់ភ្លេចហើយមួយចំនួនទៀតទើបប្រព្រឹត្តតាមរយះគ្នីគ្នា។ ក្រុមនេះភាគច្រើនជាអ្នកប្រើប្រាសថ្នាំញៀននិងញៀនល្បែងអ៊ីនធឺណិត។

ជុំវិញករណីខាងលើ បើទោះបីសមត្ថកិច្ចហាក់មិនទាន់មានតម្រុយពីមុខសញ្ញានៅឡើយ តែកម្លាំងជំនាញកំពុងធ្វើការស្រាវជ្រាវដើម្បីឈានដល់ការឃាត់ខ្លួនយកមកផ្តន្ទាទោសឲ្យខាងតែបាន៕

អត្ថបទ៖ សៅ សារិទ្ធ

Related Topics:ខេត្តបាត់ដំបង