ព័ត៌មានអន្ដរជាតិ

មនុស្សជាង៣០នាក់គ្មានសង្ឃឹមរស់ពីការលិចទូកនៅឆ្នេរហ្លរីដា

បានផុស

៤ years មុន

នៅ

ថ្ងៃពុធ ២៦ មករា ២០២២

ដោយ

ឆ្មាំសមុទ្រអាមេរិកបានកំពុងរុករកមនុស្ស៣៩នាក់ដែលកំពុងបាត់ខ្លួន បន្ទាប់ពីទូករបស់ពួកគេបានក្រឡាប់កាលពីយប់ថ្ងៃសៅរ៍កន្លងទៅនៅឆ្នេរសមុទ្ររដ្ឋហ្លរីដា។

នាព្រឹកថ្ងៃអង្គារ៍ មន្ត្រីបានបង្កើនការប្រឹងប្រែងរុករក បន្ទាប់ពីអ្នកនេសាទបានប្រទាស់ឃើញបុរសម្នាក់កំពុងតោងទូកដែលមានចម្ងាយ៧២គីឡូម៉ែត្រពីទីក្រុង Fort Pierce។

អ្នកនៅរស់បាននិយាយថា ក្រុមរបស់ខ្លួនបានចេញដំណើរពីទីក្រុង Bimini ប្រទេសបាហាម៉ា កាលពីយប់ថ្ងៃសៅរ៍ និងបានជួបនឹងអាកាសធាតុដ៏អាក្រក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអាមេរិកនិយាយថា ទូកប្រហែលជាផ្នែកមួយនៃការរត់ពន្ធមនុស្ស។ យោងតាមការឲ្យដឹងពីអ្នកនៅរស់ដែលមិនបញ្ចេញអត្តសញ្ញាណថា អ្នកដំណើរទាំងអស់គ្មាននរណាម្នាក់អាវសុវត្ថិភាពឡើយ។

ការរុករកកំពុងត្រូវបានដឹកនាំដោយអង្គភាពឆ្មាំសមុទ្រម៉ៃអាមីដោយបានប្រើនាវា និងយន្តហោះជាច្រើនគ្រឿង។

នៅរសៀលថ្ងៃអង្គារ៍ គ្មាននរណាម្នាក់ត្រូវបានរកឃើញទេ។ កោះម៉ៃអាមីគឺជាខណ្ឌភាគខាងលិចប្រទេសបាហាម៉ា និងមានចម្ងាយប្រហែលជា១២៨គីឡូម៉ែត្រពីទីក្រុងម៉ៃអាមី។

ក្រុមជួយសង្គ្រោះកំពុងរករកពីទីក្រុង Bimini ដល់ Fort Pierce ដែលជាតំបន់មានទទឹងប្រហែលជា២១៧គីឡូម៉ែត្រ។

កាលពីថ្ងៃសុក្រ ឆ្មាំសមុទ្របានរាយការណ៍ថា ពួកគេបានរកឃើញជនជាតិហៃទី៨៨នាក់ដែលទូករបស់ពួកគេផ្ទុកលើសចំណុះនៅភាគខាងលិចបាហាម៉ា។

«ច្រកសមុទ្រហ្លរីដា Windward និង Mona Passages ដែលទូកផ្ទុកលើសចំណុះពិតជាគ្រោះថ្នាក់ខ្លាំងណាស់ ហើយប៉ះពាល់ដល់អាយុជីវិត»។ ឆ្មាំសមុទ្របាននិយាយក្នុងសេចក្តីថ្លែងការណ៍ និងបន្តថា ៖«ឆ្មាំសមុទ្រ និងទីភ្នាក់ងារជាដៃគូរបស់យើងបន្តទប់ស្កាត់ការធ្វើដំណើរទាំងនោះ។ អ្នកដែលធ្វើដំណើរត្រូវបានរារាំង និងចាប់បញ្ជូនទៅប្រទេសកំណើតវិញ»៕

ប្រែសម្រួល៖ វីរបុត្រ
ប្រភព៖ BBC

Related Topics:សហរដ្ឋអាមេរិក