ព័ត៌មានអន្ដរជាតិ

នាវាយក្សដឹករថយន្តទំនើប Porsches ជាង១ពាន់គ្រឿងត្រូវភ្លើងឆេះ រសាត់តាមទឹក

បានផុស

៤ years មុន

នៅ

ថ្ងៃសុក្រ ១៨ កុម្ភៈ ២០២២

ដោយ

នាវាខ្នាតយក្សដឹកទំនិញដែលត្រូវបានគេជឿថាជារថយន្តរាប់ពាន់គ្រឿងក្នុងនោះមានរថយន្តទំនើប Porsches ចំនួន១១០០គ្រឿងត្រូវបានភ្លើងឆេះ និងរសាត់ទៅតាមទឹកសមុទ្រ Azores កាលពីថ្ងៃព្រហស្បតិ៍ បន្ទាប់ពីក្រុមបើកបរ២២នាក់ត្រូវបានជួយសង្គ្រោះ។

អគ្គីភ័យបានឆាប់ឆេះកាលពីព្រឹកថ្ងៃពុធនៅក្នុងឃ្លាំងទំនិញរបស់នាវាឈ្មោះ Felicity Ace ដែលចេញដំណើរពីកំពង់ផែ Emden ប្រទេសអាល្លឺម៉ង់កាលពីថ្ងៃទី១០ខែកុម្ភៈ និងគ្រោងទៅដល់រដ្ឋ Rhode Island សហរដ្ឋអាមេរិកនាថ្ងៃពុធ។ នេះបើយោងតាមវេបសាយនាវាចរណ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាវាបានធ្វើដំណើរប្រមាណ៣២១គីឡូម៉ែត្រពីកោះ Terceira Island ក្នុងសមុទ្រ Azores ដែលជាដែនទឹកប្រទេសព័រទុយហ្គាល់ នៅពេលនោះកម្លាំងសង្គ្រោះព័រទុយហ្គាល់បង្ខំជម្លៀសបុគ្គលិកចេញពីនាវាកាលពីថ្ងៃពុធ។

យោងតាមអាជ្ញាធរបានឲ្យដឹងថា គ្មានអ្នកសង្គ្រោះ ឬបុគ្គលិកនាវាណាម្នាក់មានបញ្ហារបួសអ្វីឡើយនៅក្នុងប្រតិបត្តិសង្គ្រោះដែលត្រូវការជំនាញ និងកម្លាំងកាយខ្ពស់។ ក្នុងនោះមានរាប់បញ្ចូលទាំងឧទ្ធម្ភាគចក្រដែលបានបញ្ជូនសមាជិកនាវិកទៅកាន់កោះ Faial របស់ព័រទុយហ្គាល់។

វាមិនច្បាស់ទេថា ទំហំនៃការខូចខាតទំនិញរបស់នាវាប្រវែង១៩៨ម៉ែត្រ ទម្ងន់៦ម៉ឺនតោនកម្រិតណា។ ក្រុមហ៊ុនរបស់នាវាមិនអាចត្រូវបានទាក់ទងបំភ្លឺបានភ្លាមៗទេ។

យោងតាមវេបសាយយានយន្ត The Drive បានផ្សាយថា ក្រុម Volkswagen Group ប៉ាន់ស្មានគឺរថយន្តជិត៤ពាន់គ្រឿងនៅលើនាវា ក្នុងនោះមានរថយន្ត Bentleys ចំនួន១៨៩គ្រឿងផងដែរ។

តាមសេចក្តីថ្លែងការណ៍មួយកាលពីយប់ថ្ងៃព្រហស្បតិ៍ អ្នកនាំពាក្យក្រុមហ៊ុនផលិតរថយន្ត Porsche អាមេរិកខាងជើងបាននិយាយថា រថយន្តរបស់ក្រុមហ៊ុនខ្លួនចំនួន១១០០គ្រឿងផ្ទុកនៅលើនាវានោះ ប៉ុន្តែការខួចខាតមិនទាន់ច្បាស់៕

ប្រែសម្រួល៖ វីរបុត្រ
ប្រភព៖ The New York Times.

Related Topics:ប្រទេសអាល្លឺម៉ង់