ប្រធានាធិបតីអ៊ុយក្រែន៖ យើងមិនខ្លាចនរណាទាំងអស់!

ប្រធានាធិបតីអ៊ុយក្រែនលោក Volodymyr Zelenskyy បានប្រាប់ប្រជាជាតិថា ប្រទេសអ៊ុយក្រែន មិនខ្លាចនរណាឬអ្វីទាំងអស់។

លោកបាននិយាយក្នុងអំឡុងពេលវេលាដ៏វឹកវរ ដែលរុស្ស៊ីហាក់ដូចជាកំពុងរំកិលកាន់តែជិតទៅរកការវាយប្រហារ បន្ទាប់ពីលោកប្រធានាធិបតី វ្ល៉ាឌីមៀរ ពូទីន ទទួលប្រកាសឯករាជ្យតំបន់ផ្តាច់ខ្លួននៅភាគខាងកើតប្រទេសអ៊ុយក្រែន ហើយបន្ទាប់មកបញ្ជាដាក់កងកម្លាំងចូលទៅទីនោះ។

ក្រុមប្រឹក្សាសន្តិសុខអង្គការសហប្រជាជាតិ បានកំណត់ពេលប្រជុំបន្ទាន់មួយ ហើយសហរដ្ឋអាមេរិកត្រៀមដាក់ទណ្ឌកម្ម។

កាលពីម្សិលមិញ លោក ពូទីន បានទទួលស្គាល់ឯករាជ្យនៃតំបន់កាន់កាប់ដោយក្រុមឧទ្ទាមចំនួនពីរគឺតំបន់ Donetsk និង Luhansk ក្នុងប្រទេសអ៊ុយក្រែន ដែលនេះនឹងបើកផ្លូវសម្រាប់ប្រតិបត្តិការមួយដើម្បីដាក់ពង្រាយកងកម្លាំង។

នៅក្នុងអនុក្រឹត្យផ្លូវការចំនួនពីរ លោក ពូទីន បានណែនាំឲ្យក្រសួងការពារជាតិ ទទួលការងាររក្សាសន្តិភាព នៅក្នុងតំបន់ Donetsk និង Luhansk។ នៅក្នុងអនុក្រឹត្យដដែលនោះ លោក ពូទីន ក៏បានបញ្ជាឲ្យក្រសួងការបរទេសបង្កើតទំនាក់ទំនងការទូត ជាមួយសាធារណរដ្ឋទាំង២ផងដែរ៕

ប្រែសម្រួល៖ Vann Vann

ប្រភព៖ AP

ចុចអាន៖ ពូទីន ទទួលស្គាល់ឯករាជ្យតំបន់ចំនួន២ ក្នុងប្រទេសអ៊ុយក្រែន ពេលនេះបញ្ជាឲ្យដាក់ទ័ពចូលទៅហើយ