ព័ត៌មានជាតិ

រដ្ឋបាលខេត្តកណ្តាល អំពាវនាវឲ្យអាណាព្យាបាលនាំកូនចៅមានអាយុពី៣ដល់ក្រោម៥ឆ្នាំ ទៅទទួលការចាក់វ៉ាក់សាំងជំងឺកូវីដ-១៩

បានផុស

៤ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

រដ្ឋបាលខេត្តកណ្តាល បានអំពាវនាវដល់មាតាបិតា អាណាព្យាបាល ត្រូវនាំកូនចៅឬសាច់ញាតិ ដែលមានអាយុចាប់ពី៣ឆ្នាំ រហូតដល់អាយុក្រោម៥ឆ្នាំ ទៅទទួលការចាក់វ៉ាក់សាំងការពារជំងឺកូវីដ១៩ អោយបានគ្រប់ៗគ្នាកុំបីខាន ចាប់ពីថ្ងៃទី២១កុម្ភ:នេះតទៅ តាមកាលបរិច្ឆេទ និងទីតាំងដែលបានកំណត់។

រដ្ឋបាលខេត្តបានបញ្ជាក់ថា មាតាបិតាត្រូវភ្ជាប់មកជាមួយនូវឯកសារដូចជា សំបុត្រកំណើត ឬសំបុត្របញ្ជាក់កំណើត ឬសៀវភៅស្នាក់នៅ ឬសៀវភៅគ្រួសារឬលិខិតឆ្លងដែន។

ជាមួយគ្នានេះ មាតាបិតាអាណាព្យាបាលដែលបាននាំកូនចៅមកទទួលចាក់វ៉ាក់សាំងការពារជំងឺ កូវីដ-១៩ នេះ ត្រូវប្រកាន់ខ្ជាប់វិធានការ ៣កុំនិង៣ការពារ និងវិធានការរបស់ក្រសួងសុខាភិបាល ដើម្បីធានាភាពរលូន និងគ្រប់គ្រងសណ្តាប់ធ្នាប់បានល្អ ក្នុងដំណើរការអនុវត្តយុទ្ធនាការចាក់វ៉ាក់សាំងនេះ និងទទួលបានលទ្ធផលល្អប្រសើរបំផុត៕