ព័ត៌មានជាតិ
សម្តេចតេជោ ណែនាំឱ្យដំឡើងប្រាក់បៀវត្សរ៍បន្ទាន់ដល់មន្រ្តីចូលនិវត្តន៍មានប្រាក់ខែទាប
សម្តេចតេជោ ហ៊ុន សែន នាយករដ្ឋមន្រ្តី បានណែនាំឱ្យមន្រ្តីទទួលបន្ទុកហិរញ្ញវត្ថុ ធ្វើកិច្ចការបន្ទាន់មួយ គឺរកវិធីដំឡើងបៀវត្សសម្រាប់អតីតយុទ្ធជន និងមន្រ្តីចូលនិវត្តន៍មុន ដែលមានប្រាក់ខែទាប ត្រូវឡើងប្រាក់បៀរវត្សឱ្យបានលឿន។
លើសពីនេះទៀត សម្តេច បានប្រាប់ទៅរដ្ឋមន្រ្តីក្រសួងសេដ្ឋកិច្ចលោក អូន ព័ន្ធមុនីរ័ត្ន ឱ្យបន្ថែមថវិកា ពីលើថវិកាបម្រុងក្នុងមួយឆ្នាំ ៣០ពាន់លានរៀលកន្លងមក ដើម្បីរុញកិច្ចការងារនេះឱ្យបានលឿន ជាពិសេសមន្រ្តីដែលមានប្រាក់ខែទាប។
ជាមួយគ្នានេះ សម្តេចក៏បានប្រាប់ឱ្យមានការរក្សាគម្លាតប្រាក់បៀវត្សរវាងមន្រ្តីចូលនិវត្តន៍មុន និងមន្រ្តីចូលនិវត្តន៍ក្រោយ កុំឱ្យឆ្ងាយគ្នាពេក។
សម្តេចថ្លែងដូច្នេះថា« ឧទាហរណ៍ អ្នកចូលនិវត្តន៍ក្នុងពេលដែលគាត់មានប្រាក់ខែត្រឹមតែ ៦០ម៉ឺនរៀល ដល់ពេលចូលនិវត្តន៍ប្រាក់ខែគាត់នៅសល់តែ ៤០ម៉ឺនរៀល ដល់អ្នកចូលនិវត្តន៍ក្រោយប្រាក់ខែគាត់ ១លានរៀល ពេលចូលនិវត្តន៍ប្រាក់ខែគាត់ ៨០ម៉ឺនរៀល អ៊ីចឹងវាមានគម្លាតគ្នា រវាងអ្នកចូលនិវត្តន៍មុន និងក្រោយ»។
ដើម្បីរក្សាគម្លាតនេះឱ្យស្ថិតនៅក្បែរគ្នា ក្រសួងសេដ្ឋកិច្ចបានអនុវត្តគោលនយោបាយបន្ថយគម្លាតរវាងអ្នកមុន និងអ្នកក្រោយ ឱ្យបានឡើងដល់ ៦៤ម៉ឺនរៀល សម្រាប់អ្នកចូលនិវត្តន៍មុន ខណៈមន្រ្តីចូលនិវត្តន៍ក្រោយ ៨០ម៉ឺនរៀល។ សម្តេចគូសបញ្ជាក់ថា« យើងរុញតែបន្តិចទៀត វានឹងក្បែរគ្នាហើយ…ទាំងយុទ្ធជន កងទ័ព នគរបាល ទាំងមន្រ្តីរាជការស៊ីវិល ដែលនេះជាកម្មវិធីមួយដោះស្រាយបញ្ហាសម្រាប់ការលំបាក»។
ជាមួយគ្នានេះ សម្តេចក៏សូមអភ័យទោសពីសំណាក់មន្រ្តីរាជការ កងកម្លាំងប្រដាប់អាវុធនៅទូទាំងប្រទេស ដែលរយៈពេល២ឆ្នាំហើយ មិនបានដំឡើងបៀវត្ស ដោយសារវិបត្តិកូវីដ។ ទោះយ៉ាងណា សម្តេចនាយករដ្ឋមន្រ្តី អះអាងថា ប្រសិនបើផលប៉ះពាល់បណ្តាលមកពីវិបត្តិកូវីដ-១៩ និងជម្លោះនៅរុស្ស៊ី អ៊ុយក្រែនមិនធំហួស លទ្ធភាពនៃការដំឡើងបៀវត្សដល់មន្រ្តីរាជការ នៅឆ្នាំ ២០២៣ នឹងកើតមានឡើង។
ការលើកឡើងរបស់សម្តេចតេជោ នៅក្នុងពិធីជួបសំណេះសំណាល និងផ្តល់អនុសាសន៍ ដល់កីឡាករ កីឡាការិនី និងអត្តពលិក មុនចេញទៅប្រកួតកីឡាស៊ីហ្គេម (SEA Game) លើកទី៣១ នៅប្រទេសវៀតណាម ព្រឹកថ្ងៃទី ២៨ ខែមេសា ឆ្នាំ ២០២២៕
អត្ថបទ៖ នាង រតនៈ
ជម្រះមន្ទិលបញ្ហាព្រំដែន, ក្រុមយុវជនចុះស្វែងយល់ពីព្រំដែនកម្ពុជា-វៀតណាម ក្នុងក្រុងសំពៅពូន
ក្រុមហ៊ុន Santana Agro ចុះកិច្ចសន្យាទិញគ្រាប់ស្វាយចន្ទីសើម ៣០០ តោន ពីសហគមន៍កសិកម្មទំនើបខេត្តកំពង់ធំ
ក្រុមហ៊ុន Visa តែងតាំង អ្នកស្រី Lisa Sargent ជានាយិកាគ្រប់គ្រងថ្មី ប្រចាំប្រទេសកម្ពុជា
ផុតរញ្ជួយដី, ថៃ ប្រឈមការវាយប្រហារដោយរលកកម្តៅនិងព្យុះរដូវក្តៅ លាយឡំរន្ទះ
ពលរដ្ឋក្នុងឃុំចំនួន៣ នៃស្រុកកងមាស ទទួលបានប្រព័ន្ធធារាសាស្ត្រជាសមិទ្ធផលថ្មី សម្រាប់បង្កបង្កើនផលដំណាំកសិកម្ម
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី
ថៃ បញ្ជូនទ័ព ១ ០០០នាក់ទៅជួយមីយ៉ាន់ម៉ា ទោះប្រទេសខ្លួន ក៏រងគ្រោះខ្លាំងដោយរញ្ជួយដី
ភាគខាងជើង ថៃ ក៏កើតភ្លើងឆេះព្រៃខ្លាំង ឯនៅ បាងកក ក៏កំពុងរងទុក្ខដោយរញ្ជួយដី
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
ត្រាំ ប្រកាសក្តែងៗថា អាមេរិក នឹងយកបាន Greenland ១០០%
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២ ថ្ងៃ agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ