យល់ដឹង៖ ពស់​ប្រភេទ​ណា ដែល​មាន​ពិស​ខ្លាំង​បំផុត​លើ​ផែនដី?

ពស់ពិស​មានច្រើនប្រភេទ​ណាស់​នៅ​លើលោកយើងនេះ។ ពស់ខ្លះ​ពិសខ្លាំង រីឯ​ពស់​ខ្លះ​មិន​សូវ​មាន​ពិស​ធ្ងន់ធ្ងរ។

ជាទូទៅ គ្នា​យើង​ភាគច្រើន​ធ្លាប់ដឹងថា ពស់​ដែល​មាន​ពិស​សាហាវ គឺ​ជាប្រភេទពស់វែក ប៉ុន្តែ​វា​មិនមែន​នោះ​ទេ។ អ៊ីចឹង! តើ​ពស់​ប្រភេទ​ណាមានពិស​ខ្លាំង​បំផុត​លើ​លោក?

១/ ពស់​ទឹក​សាប​តាប៉ាន (Inland Taipan)

ពស់នេះ ជាពស់មានពិសខ្លាំងបំផុតលើពិភពលោក វាមានប្រភពនៅប្រទេសអូស្ត្រាលី។ ពិស​របស់​វា​អាចបាញ់បាន ១១០ មីលីក្រាម និងអាចសម្លាប់មនុស្សបានរហូត ១០០ នាក់ក្នុងម្ដង ឬ​សម្លាប់​កណ្ដុរ​បាន ២៥ ម៉ឺន​ក្បាល។

២/ ពស់ត្នោត​ភាគ​ខាង​កើត (Eastern Brown Snake)

ពស់ពិសសាហាវលំដាប់ទី២នេះ មាននៅភាគកណ្ដាលប្រទេសអូស្ត្រាលី និង​ភាគខាងកើត​ប្រទេស​ញូហ្គីណេ។ ពិស​របស់វាត្រឹមតែ ១/១៤,០០០ មីលីក្រាម អាចសម្លាប់មនុស្សម្នាក់។

៣/ ពស់ខៀវ (Blue Krait)

ពស់នេះ ភាគច្រើន​មាន​នៅ​តាម​បណ្ដា​ប្រទេស​ក្នុង​តំបន់​អាស៊ីអាគ្នេយ៍។ ពិស​របស់​វា​ខ្លាំង​ជាង​ពស់​វែក Cobra ៦ ដង។

៤/ ពស់តាប៉ាន (Taipan)

ពស់ប្រភេទនេះមានច្រើននៅឯប្រទេសអូស្ដ្រាលី។ ពិសរបស់វាអាចសម្លាប់កណ្ដុរ ១២ ពាន់ក្បាលក្នុងពេលព្រួសម្ដង។

៥/ ពស់ពិសខ្មៅ (Black Mamba)

ពស់ពិសពណ៌ខ្មៅ ភាគច្រើនមាននៅទ្វីបអាហ្វ្រិក ជាពស់វាលឿនបំផុតលើលោកក្នុងចម្ងាយ ២០ គីឡូម៉ែត្រក្នុងមួយម៉ោង។ ពស់នេះ អាចចឹកសម្លាប់មនុស្សបានពី ១០-២៥នាក់ ព្រោះពេលដែលវាចឹកម្ដងអាចបញ្ជូនពិសចូលទៅក្នុងរាងកាយ ៤០០ មីលីក្រាម និងអាចស្លាប់ក្នុងរយៈពេលត្រឹមតែ ១៥-៣០ នាទីប៉ុណ្ណោះ។

៦/ ពស់ស្បែកខ្លា (Tiger Snake)

ភាគច្រើនពស់ប្រភេទនេះ មាននៅប្រទេសអូស្ដ្រាលី ពិសរបស់វាប៉ះពាល់ខាងប្រព័ន្ធ កោសិកា​ប្រសាទ​ខ្លាំងផុត និងអាចសម្លាប់ជិវិតមនុស្សសត្វក្នុងរយៈពេល ៣០ នាទីក្រោយវាចឹក ។

៧/ ពស់វែកហ្វីលីពីន (Philippine Cobra)

ពស់វែកភីលីពីន ភាគច្រើនមាននៅប្រទេសហ្វីលីពីន។ ពិសរបស់វាអាចសម្លាប់ជីវិតបានក្នុងរយៈពេល ៣០ នាទីបន្ទាប់ពីចឹក។ រីឯប្រវែងរបស់វាអាចមានដល់ ៣ ម៉ែត្រ។

៨/ ពស់វែក (Vipers)

ពស់វែក ភាគច្រើនមាននៅតំបន់អាស៊ី ប្រទេសឥណ្ឌា និងចិន។ បើពស់នេះចឹកមនុស្ស ការ​ឈឺចាប់​អាចមានពី ២-៤ សប្ដាហ៍ ហើយស្នាមហើមពី ៤៨-៧២ ម៉ោង អ្នកនឹង​អាច​ស្លាប់​ក្នុង​កំឡុងពេល ១-១៤ ថ្ងៃ៕

ប្រែសម្រួល៖ សន្យា

ប្រភព៖ Reptile Gardens

ចុចអាន៖សុបិន្តអំពីម្ហូប គ្រប់យ៉ាង​មានបកស្រាយ​ក្នុងនេះ

ចុចអាន៖អត្ថន័យនៃសុបិន​ឃើញ​អង្គុយ​នឹង​តុបរិភោគអាហារ