កីឡា
តើ Bali United ជាក្លឹបកម្រិតណាដែលវិសាខាយកឈ្នះបង្កើតកំណត់ត្រាថ្មី?
ក្រុមបាល់ទាត់របស់កម្ពុជា វិសាខា ទទួលបានជ័យជម្នះដ៏អស្ចារ្យលើក្លឹបឥណ្ឌូណេស៊ី Bali United ដោយលទ្ធផល ៥-២ កាលពីល្ងាចថ្ងៃទី២៧ ខែមិថុនា សម្រាប់ការប្រកួតវគ្គសន្សំពិន្ទុក្នុងពូល ពានរង្វាន់អាស៊ីលំដាប់ទី២ AFC Cup ឆ្នាំ២០២២។
ក្លឹប វិសាខា ជាក្លឹបកម្ពុជាដំបូងគេក្នុងការទទួលបានជ័យជម្នះ២លើកជាប់គ្នាក្នុងពានរង្វាន់ធំលំដាប់ទី២អាស៊ីនេះ បន្ទាប់ពីលើកទី១បានប្រកួតឈ្នះក្លឹបរបស់ហ្វីលីពីន Keya FC ដោយលទ្ធផល ២-១ កាលពីបីថ្ងៃមុន។
ជ័យជម្នះ២លើកជាប់គ្នានេះផ្តល់ឲ្យវិសាខាទទួលបាន៦ពិន្ទុពេញ កំពុងឈរលើកំពូលតារាងពូល G ហើយសង្ឃឹមភាគច្រើនក្នុងការឡើងទៅវគ្គបន្ទាប់។ ការប្រកួតក្រោយជាមួយក្លឹបខ្លាំងម៉ាស៊ីឡេស៊ី Kedah ត្រូវការត្រឹមស្មើ ក៏វិសាខាឡើងទៅវគ្គបន្ទាប់ដែរ។
អ្នកតាមដានវិស័យបាល់ទាត់នៅអាស៊ានកំពុងចាប់អារម្មណ៍ និងភ្ញាក់ផ្អើលចំពោះលទ្ធផលដ៏អស្ចារ្យរបស់វិសាខាដែលបានយកឈ្នះក្រុម Bali United ដោយលទ្ធផលច្រើនគ្រាប់បែបនេះ។ វាពិតជាគួរឲ្យភ្ញាក់ផ្អើលមែនហើយ ពីព្រោះក្លឹបរបស់ឥណ្ឌូណេស៊ីមួយនេះគឺជាក្លឹបខ្លាំង និងសំបូរធនធានហិរញ្ញវត្ថុ។
Bali United ត្រូវបានបង្កើតឡើងជាក្លឹបអាជីពនៅឆ្នាំ២០១៥ដែលរហូតដល់ពេលនេះទើបតែអាយុកាល៧ឆ្នាំ ប៉ុន្តែក្លឹបទទួលបានជោគជ័យយ៉ាងខ្លាំងនៅលីគបាល់ទាត់កំពូលឥណ្ឌូណេស៊ី។ ក្រោយពេលបង្កើតបានពីរឆ្នាំពោលគឺនៅឆ្នាំ២០១៧ ក្លឹបមួយនេះបានក្លាយជាជើងឯករងនៃលីគកំពូលឥណ្ឌូណេស៊ី។
រដូវកាល២០១៩ Bali United បានឈ្នះជើងឯកលីគកំពូលឥណ្ឌូណេស៊ីលើកដំបូងក្នុងប្រវត្តិសាស្ត្ររបស់ក្លឹប និងរដូវកាល២០២១-២២ បានគ្រងជើងឯកលីគកំពូលនេះជាលើកទី២។
សម្រាប់វត្តមានលើឆាកអន្តរជាតិវិញ Bali United បានតំណាងឲ្យក្លឹបប្រទេសឥណ្ឌូណេស៊ីចូលរួមពានរង្វាន់លំដាប់កំពូលទាំងពីរប្រចាំអាស៊ីគឺ AFC Champions League និង AFC Cup។ ឆ្នាំ២០១៨ ក្រុមឥណ្ឌូណេស៊ីបានចូលលេង AFC Champions League វគ្គជម្រុះជុំដំបូង និងលេងពាន AFC Cup វគ្គសន្សំពិន្ទុក្នុងពូល។
ឆ្នាំ២០២០ ក្រុមឥណ្ឌូណេស៊ីបានចូលលេង AFC Champions League វគ្គជម្រុះជុំដំបូងទៀត ហើយក៏ត្រូវលេងពាន AFC Cup វគ្គសន្សំពិន្ទុក្នុងពូលទាំងឆ្នាំ២០២០ និង២០២១ ប៉ុន្តែត្រូវបានលុបចោលដោយសារវិបត្តិកូវីដ-១៩។
Bali United ជាក្លឹបបាល់ទាត់អាជីពដំបូងគេនៅប្រទេសឥណ្ឌូណេស៊ី និងអាស៊ីអាគ្នេយ៍ ហើយជាក្លឹបទី២នៅអាស៊ី បន្ទាប់ពីក្លឹបចិន Guangzhou Evergrande ដែលបានដាក់ការវិនិយោគចូលទៅក្នុងផ្សារភាគហ៊ុន Indonesia Stock Exchange កាលពីឆ្នាំ២០១៩៕
អត្ថបទ៖ វីរបុត្រ
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ