ព័ត៌មានជាតិ
ព្រៃឈើប្រមាណ ៣៥ហិកតានៅខេត្តកោះកុង រងការកាប់ទន្រ្ទានធ្វើជាកម្មសិទិ្ធ
អង្គការសម្ព័ន្ធមិត្តសត្វព្រៃ បង្ហាញរបាយការណ៍ទិន្នន័យថា មានការកាប់ទន្រ្ទានដីព្រៃឈើចំនួន ៣៥ហិកតា នៅ ៥ទីតាំងផ្សេងគ្នា ក្នុងតំបន់គម្រោងឥណទានកាបូន ស្ថិតនៅភាគខាងកើតព្រែកកោះប៉ោ ស្រុកមណ្ឌលសីមា ខេត្តកោះកុង។

មន្រ្តីអង្គការសម្ព័ន្ធមិត្តសត្វព្រៃ ឲ្យដឹងកាលពីថ្ងៃទី ១៩ ខែកក្កដាមិ្សលមិញថា តាមរូបភាពលើអាកាស និងរបាយការណ៍ទិន្នន័យបច្ចេកទេស រកឃើញមានទីតាំងកាប់ទន្រ្ទានចំនួន ៥ទីតាំង។ ក្នុងចំណោម ៥ទីតាំងនោះ មានចំនួន ២ទីតាំងស្ថិតនៅក្នុងតំបន់កាត់ឆ្វៀលដោយអនុក្រឹត្យលេខ ៣០ អនក្រ.បក ចុះថ្ងៃទី ២ ខែមីនា ឆ្នាំ ២០២១។ ប៉ុន្តែតំបន់នេះ ត្រូវបានរដ្ឋបាលខេត្តកោះកុង ចុះកិច្ចសន្យាជាមួយក្រសួងបរិស្ថាន ដោយរក្សាទុកជាតំបន់ឥណទានកាបូន។

មន្រ្តីអង្គការសម្ព័ន្ធមិត្តសត្វព្រៃ គូសបញ្ជាក់ទៀតថា ២ទីតាំងទៀត ស្ថិតនៅក្នុងតំបន់ការពារធម្មជាតិជួរភ្នំក្រវាញខាងត្បូង និងស្ថិតក្នុងតំបន់គម្រោងឥណទានកាបូន និងមួយទីតាំងទៀត មានមួយផ្នែកស្ថិតនៅតំបន់កាត់ឆ្វៀលដោយអនុក្រឹត្យលេខ ៣០ និងមួយផ្នែកស្ថិតក្នុងតំបន់ការពារធម្មជាតិជួរភ្នំក្រវាញខាងត្បូង ហើយក៏ស្ថិតនៅក្នុងតំបន់ឥណទានកាបូនផងដែរ។

ដើម្បីថែរក្សាសម្បត្តិធនធានធម្មជាតិខាងលើបាន មន្រ្តីអង្គការសម្ព័ន្ធសត្វព្រៃឈើ ស្នើសុំកិច្ចសហការជាមួយរដ្ឋបាលខេត្តកោះកុង សមត្ថកិច្ច និងមន្ទីរជំនាញ បង្កើនការទប់ស្កាត់ និងបង្រ្កាបជនសង្ស័យឲ្យបានទាន់ពេលវេលា។ ចំពោះបញ្ហាកាប់ទន្រ្ទានដីព្រៃឈើនេះដែរ ត្រូវបានលោក សុខ សុទ្ធី អភិបាលរងខេត្តកោះកុង លើកឡើងយ៉ាងខ្លីថា លោកនឹងបង្កើនការសហការអនុវត្តកិច្ចការការពាររួមគ្នា ជាពិសេសត្រូវមានទំនាក់ទំនងជិតស្និទ្ធ ក្នុងការផ្តល់ព័ត៌មាន និងចុះពិនិត្យរក្សាស្តារព្រៃឡើងវិញ។

ដោយឡែកលោក ហ៊ុន ម៉ារ៉ាឌី ប្រធានមន្ទីរបរិស្ថានខេត្តកោះកុងវិញ ថ្លែងថា ចំពោះចំណាត់ការផ្លូវច្បាប់បែបនេះ លោកមិនទាន់បកស្រាយបាននៅពលេនេះទេ ដោយរង់ចាំកំណត់ហេតុការណ៍កិច្ចប្រជុំពីរដ្ឋបាលខេត្តសិន ទើបផ្តល់ព័ត៌មានលម្អិតជូនអ្នកសារព័ត៌មានពីផែនការទប់ស្កាត់ ឬស៊ើបអង្កេតរកមុខសញ្ញាសង្ស័យ យកមកផ្តន្ទាទោសតាមច្បាប់៕
អត្តបទ៖ សិរីវឌ្ឍនៈ

-
ព័ត៌មានអន្ដរជាតិ៦ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ ago
ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន
-
ព័ត៌មានអន្ដរជាតិ៤ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
បច្ចេកវិទ្យា៦ ថ្ងៃ ago
ជោគជ័យលើសពីការរំពឹងទុក! OPPO Reno14 Series 5G First Sale Event មានមនុស្សចូលរួមច្រើនធ្វើឲ្យកក្រើកពេញផ្សារ AEON MALL តែម្តង
-
ព័ត៌មានអន្ដរជាតិ១ ថ្ងៃ ago
អាមេរិក អាចចាត់វិធានការលើថៃ បើរកឃើញថា ថៃ បំពានលក្ខខណ្ឌប្រើ F-16 វាយប្រហារកម្ពុជា
-
ព័ត៌មានជាតិ៧ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ២ ថ្ងៃ ago
អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួនខំអត់ធ្មត់ និងចាស់ទុំជាងគេទៅវិញ
-
ព័ត៌មានអន្ដរជាតិ៥ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា