ព័ត៌មានអន្ដរជាតិ
ថៃ ប្រាប់ឲ្យប្រយ័ត្ន ដោយជឿថា អ្នកកើតជំងឺអុតស្វា បានរត់គេច ហែលឆ្លងទន្លេ ចូលមក កម្ពុជា
យោងតាមការចុះផ្សាយរបស់គេហទំព័រ Thaiger, ថៃ កំពុងតាមស្វែងរកបុរសសញ្ជាតិនីហ្សេរីយ៉ាម្នាក់ ដែលត្រូវបានគេកំណត់ថា ជាអ្នកជំងឺអុតស្វា ទី១របស់ប្រទេសថៃ នៅភូកេត។
គាត់បានបាត់ខ្លួនបន្ទាប់ពីមិនបានរាយការណ៍ទៅមន្ទីរពេទ្យ ហើយការតាមប្រមាញ់ទូទាំងប្រទេស កំពុងបន្ត។ បច្ចុប្បន្ន បុរសម្នាក់នេះ ត្រូវបានគេជឿថា បានរត់ចេញពីប្រទេសថៃ ដោយហែលទឹកឆ្លងទន្លេខេត្ត Sa Kaeo ចូលមកក្នុងប្រទេសកម្ពុជា។
នៅពេលដែលបុរសអាយុ២៧ឆ្នាំរូបនេះ បានធ្វើដំណើរមកពីប្រទេសនីហ្សេរីយ៉ា ហើយបន្ទាប់មកបានរាយការណ៍ពីរោគសញ្ញាទៅកាន់មន្ទីរពេទ្យឯកជនមួយក្នុងខេត្តភូកេត, ថៃ បានក្លាយជាប្រទេសទី ៧១ ដែលបញ្ជាក់ពីករណីជំងឺអុតស្វា។
គាត់បានធ្វើតេស្តវិជ្ជមាននៅថ្ងៃទី ១៨ ខែកក្កដា ប៉ុន្តែពេលមន្ត្រីទៅយកគាត់នៅខុនដូ គាត់បានបាត់ខ្លួនទៅហើយ។ គាត់បានស្នាក់នៅក្នុងសណ្ឋាគារមួយ ហើយបន្ទាប់មក បានផ្លាស់ទៅសណ្ឋាគារទីពីរនៅថ្ងៃបន្ទាប់ មុនពេលវីដេអូ CCTV បានប្រទះឃើញគាត់កាន់កូនសោនៅកន្លែងទទួលភ្ញៀវ ហើយចូលទៅក្នុងឡានពណ៌ស។
យោងទៅតាមនាយកដ្ឋានអន្តោប្រវេសន៍ថៃ បុរសជនជាតិនីហ្សេរីយ៉ារូបនេះ ត្រូវបានគេជឿថាបានរត់គេចខ្លួន ដោយសារតែគាត់ ស្នាក់នៅហួសទិដ្ឋាការ ដែលផុតកំណត់កាលពីខែវិច្ឆិកាឆ្នាំមុន ហើយទំនងជាខ្លាចការកាត់ទោស ឬការនិរទេស។
ប្រព័ន្ធផ្សព្វផ្សាយថៃ និងប្រភពអនុវត្តច្បាប់មួយចំនួនកំពុងរាយការណ៍ថា ពួកគេជឿថា បុរសកើតជំងឺអុតស្វាម្នាក់ បានភៀសខ្លួនទៅព្រំដែនថៃជាប់កម្ពុជា ជាទីដែលគាត់ហែលឆ្លងទន្លេចូលប្រទេសកម្ពុជា។
អាជ្ញាធរថៃបានប្រាប់ឲ្យប្រយ័ត្ន ហើយកំពុងទាក់ទងសមភាគីក្នុងប្រទេសកម្ពុជា ដើម្បីសហការគ្នាក្នុងការតាមដានបុរសម្នាក់នេះ ក្នុងគោលបំណងការពារការរីករាលដាលនៃជំងឺអុតស្វា៕
ប្រែសម្រួល៖ Vann Vann
ប្រភព៖ Thaiger
ចុចអាន៖ ប្រទេសដំបូងគេលើលោក តម្រូវឲ្យធ្វើចត្តាឡីស័កជាកំហិត ចំពោះអ្នកកើតជំងឺ អុតស្វា
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សន្តិសុខសង្គម១ សប្តាហ៍ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ៦ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ