ព័ត៌មានជាតិ
ស្ថានីយរថភ្លើងបាត់ដំបង ចាប់ផ្ដើមមានភាពអ៊ូអរឡើងវិញ បន្ទាប់ពីបោះបង់ចោលរាប់ឆ្នាំ
ប៉ុន្មានខែចុងក្រោយនេះគេសង្គេតឃើញថា នៅខាងក្នុងនិងខាងមុខស្ថានីយអយស្ម័យយាន បាត់ដំបង ចាប់ផ្តើមមានសភាពអ៊ូអរឡើងវិញ បន្ទាប់ពីបានបោះបង់ចោលដោយស្ថិតក្នុងភាពស្ងាត់ជ្រងំដូចទីរហោដ្ឋានរាប់ឆ្នាំរួចមក។
រយ:ពេលជាង២ខែកន្លងមកនេះ នៅខាងមុខស្ថានីយរថភ្លើងបាត់ដំបង ចាប់ផ្តើមមានមនុស្សម្នាឡើងវិញ រួមជាមួយនិងការលក់ដូរចំណីអាហារ ក៏ដូចជាការចតត្រៀបត្រានូវមធ្យោបាយធ្វើដំណើរផ្សេងៗ ដើម្បីចាំស្វាគមន៍អ្នកដំណើរតាមរយ:រថភ្លើងពីភ្នំពេញ មកបាត់ដំបង។
គួរបញ្ជាក់ថា បច្ចុប្បន្នរថភ្លើងដឹកអ្នកដំណើរពីភ្នំពេញមកបាត់ដំបង និងពីបាត់ដំបងទៅភ្នំពេញ ចាប់ផ្តើមដំណើរការវិញហើយ ដោយក្នុងតម្លៃមនុស្ស១នាក់ ៨ ដុល្លារ ហើយការធ្វើដំណើរតាមខ្សែរថភ្លើងនេះ គឺចេញដំណើរពីភ្នំពេញ នៅម៉ោង ៧ ព្រឹក និងត្រឡប់ពីបាត់ដំបង ទៅភ្នំពេញវិញ នៅម៉ោង ៣ រសៀល ជាកំហិត ។
លោក ភឿក សុភ័ន្ត ជាអ្នករត់ម៉ូតូកង់បី បានលើកឡើងថា បច្ចុប្បន្នរូបគាត់ក៏ដូចជាអ្នករត់កង់បីដទៃទៀតដែរ គឺមានម៉ូយបន្ថែមទៀត ដោយដឹកអ្នកដំណើរឆ្ពោះទៅស្ថានីយរថភ្លើង និងត្រូវទៅរង់ចាំនូវម៉ោងប្រមាណ១និង៣០នាទីរសៀល ពេលរថភ្លើងមកដល់បាត់ដំបង ដែលការដំណើរការឡើងវិញនូវប្រព័ន្ធគមនាគមន៍សម្រាប់ផ្លូវដែក គឺជាការឆ្លុះបញ្ចាំងអំពីការឈានទៅមុខឥតឈប់ឈររបស់កម្ពុជា ដែលដឹកនាំដោយសម្តេចតេជោ ហ៊ុន សែន បន្ទាប់ពីបានបោះបង់ចោលរាប់សិបឆ្នាំទៅហើយនោះ។ ដូច្នេះបើមានបងប្អូនណាចង់ជិះលំហែរកាយមើលព្រៃព្រឹក្សា និងមើលទេសភាពជួរភ្នំនានា សូមអញ្ជើញធ្វើដំណើរតាមរថភ្លើងប្រាកដជាមិនអផ្សុកឡើយ ៕
អត្ថបទ៖ សោ និយមរ័ត្ន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ចរាចរណ៍១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore