ជីវិតកម្សាន្ដ

វណ្ណដា មិនទទួល 50 Event ដើម្បីបញ្ចប់ Season1 របស់ Skull2

បានផុស

៤ years មុន

នៅ

ថ្ងៃពុធ ២៧ កក្កដា ២០២២

ដោយ

តារាចម្រៀងរ៉េបវ័យក្មេងលោក វណ្ណដា បច្ចុប្បន្នត្រូវបានគេកត់សម្គាល់ថា លោកមិនត្រឹមមានសមត្ថភាពធ្វើបទ Original Song នោះទេ គឺលោកក៏មានទីផ្សារគាំទ្រខ្ពស់មិនចាញ់តារារួមជំនាន់ឯទៀតឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលដែលទីផ្សារសិល្បៈកំពុងទទួលបានការគាំទ្រច្រើនពីមហាជន និងមិត្តៗយុវវ័យនេះដែរ តារាចម្រៀងលោក វណ្ណដា ក៏ស្រាប់តែទម្លាយរឿងដ៏ភ្ញាក់ផ្អើលមួយ គឺលោកបានបោះបង់ចោលការងារចំនួន ៥០ កម្មវិធី ដែលត្រូវខាតបង់ប្រាប់ចំណូលខ្ទង់រាប់ម៉ឺនដុល្លារឯណោះ។

តារាចម្រៀងរ៉េបវ័យក្មេងលោក វណ្ណដា បានបញ្ជាក់ឲ្យដឹងបែបនេះថា អំឡុងពេលមួយរយៈចុងក្រោយនេះ គឺលោកសុខចិត្តមិនទទួលកម្មវិធី (Event) រហូតដល់ទៅ ៥០ ឯណោះ ព្រោះដើម្បីតែព្យាយាមបញ្ចប់Albumថ្មីរបស់ខ្លួន ដែលជាស្នាដៃបទថ្មី គឺ «NIGHT THINKER» នៃ Skull ២ «Season1» សម្រាប់អ្នកគាំទ្រ។

វណ្ណដា បានលើកឡើងទៀតថា «អត់ទទួល Event រហូតដល់ 50events ដើម្បីបញ្ចប់ Season1 របស់ Skull២ នេះឱ្យដូចអ្វីដែលខ្ញុំចង់បាន។ អរគុណទៅកាន់អ្នកដែលបានរួមដំណើរនិងអ្នកគាំទ្រទាំងអស់ គ្នា Now It’s time to get back on stage! »។ ជាមួយគ្នានៃការលើកឡើងនេះ គេឃើញមានអ្ន កគាំទ្រលើកឡើងថា វណ្ណដាពិតជាហ៊ានលះបង់ការងារផ្សេងៗ ដើម្បីជោគជ័យការងាររបស់ខ្លួនមែន៕

អត្ថបទ៖ ចាន់រ៉ា