សម្ព័ន្ធមិត្ត ពូទីន ថា លោកខាងលិចកំពុង “លេងអុកមរណៈ” ជាមួយ រុស្ស៊ី

សម្ព័ន្ធមិត្តលោក វ្ល៉ាឌីមៀរ ពូទីន និងជាអតីតប្រធានាធិបតីរុស្ស៊ីលោក Dmitry Medvedev បាននិយាយថា ប្រទេសលោកខាងលិចកំពុង “លេងល្បែងអុកមរណៈ” ជាមួយរុស្ស៊ី ។

អ្នកនយោបាយវ័យ ៥៦ ឆ្នាំដែលបម្រើការជាអនុប្រធានក្រុមប្រឹក្សាសន្តិសុខនៃប្រទេសរុស្ស៊ី ចាប់តាំងពីឆ្នាំ ២០២២ បានចោទប្រកាន់សហរដ្ឋអាមេរិក និងសម្ព័ន្ធមិត្តថា ក៏កំពុងទាញយកផលប្រយោជន៍ពីជម្លោះយោធាដែលកំពុងបន្តនៅក្នុងប្រទេសអ៊ុយក្រែន បន្ទាប់ពីលោក ពូទីន បានចាប់ផ្តើមសង្គ្រាមលុកលុយជាបន្តបន្ទាប់លើរដ្ឋាភិបាលទីក្រុងកៀវកាលពីខែកុម្ភៈ ។

លោក Medvedev បានព្រមានថា រាល់ការព្យាយាម ក៏ដូចជាការប៉ុនប៉ងបង្កហេតុណាមួយពីសំណាក់ប្រទេសលោកខាងលិចដែល់ចង់ឲ្យប្រទេសរុស្ស៊ីមានការបែកបាក់នោះ នឹងធ្វើឲ្យពួកគេទៅវិញទេឈានដល់ថ្ងៃវិនាស ។

លោកបញ្ជាក់ថា ការប៉ុនប៉ងបែបនេះមិនអាចធ្វើឲ្យប្រទេសរបស់យើងបែកបាក់នោះទេ ហើយក៏មិនអាចធ្វើឲ្យស្ថាប័នរដ្ឋរបស់រុស្ស៊ីពិការ ឬខ្វិន ដូចអ្វីដែលបានកើតឡើងនៅក្នុងឆ្នាំ ១៩៩១ នោះទេ” ។

គួរបញ្ជាក់ថា លោក Dmitry Medvedev ធ្លាប់ធ្វើជាប្រធានាធិបតីរុស្ស៊ីចន្លោះឆ្នាំ ២០០៨ ដល់ឆ្នាំ ២០១២ និងជានាយករដ្ឋមន្ត្រីនៃប្រទេសរុស្ស៊ីចន្លោះឆ្នាំ ២០១២ និង ២០២០ ហើយបច្ចុប្បន្នលោកក៏ជាឥស្សរជនជាន់ខ្ពស់មានឥទ្ធិលពលមួយរូបផងដែរក្នុងជួររដ្ឋាភិបាលទីក្រុងមូស្គូ ៕

ប្រែសម្រួលដោយ ៖ ជីវ័ន្ត

ប្រភព ៖ Sky News

ចុចអាន ៖ លោក Zelensky ថា អ៊ុយក្រែនអាចក្លាយជា មជ្ឈមណ្ឌលថាមពលបៃតង សម្រាប់ អឺរ៉ុប ហើយឈប់ពឹងផ្អែកឧស្ម័នរុស្ស៊ី