ព័ត៌មានអន្ដរជាតិ

ថៃ ព្រមានភ្លៀងធ្លាក់ខ្លាំងបង្កជាទឹកជំនន់ទូទាំងប្រទេស ចាប់ពីថ្ងៃនេះ

បានផុស

៤ years មុន

នៅ

ថ្ងៃសៅរ៍ ១៧ កញ្ញា ២០២២

ដោយ

Sok Chivon

នាយកដ្ឋានឧតុនិយមថៃបានព្យាករណ៍ថានឹងមានភ្លៀងធ្លាក់ខ្លាំងនៅទូទាំងប្រទេស ចាប់ពីថ្ងៃសៅរ៍នេះដល់ថ្ងៃពុធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់រដ្ឋាភិបាលថៃលោក Anucha Burapachaisri បាននិយាយថា ប្រទេសថៃនឹងមានភ្លៀងធ្លាក់ខ្លាំងរយៈពេល ៥ ថ្ងៃ ជាពិសេសនៅភាគខាងជើង ឦសាន កណ្តាល ខាងកើត ខាងត្បូង និងទីក្រុងបាងកក ។

លោក Anucha បាននិយាយថា “សាធារណជនត្រូវបានព្រមានអំពីទឹកជំនន់ដែលអាចកើតមានភ្លាមៗ និងការហូរហៀរផ្សេងៗដែលអាចប៉ះពាល់ដល់សុវត្ថិភាព និងសុខុមាលភាពរបស់ពួកគេ ខណៈប្រជានេសាទក៏ត្រូវបានណែនាំឲ្យមានការប្រុងប្រយ័ត្នផងដែរ ដោយសារខ្យល់បក់បោកខ្លាំងលើសមុទ្រ Andaman និងឈូងសមុទ្រថៃ” ។

ចំណែកតំបន់ដែលងាយនឹងរងនូវជំនន់ទឹកភ្លៀង និងត្រូវព្រមានឲ្យមានការប្រុងប្រយ័ត្នបន្ថែមនោះរួមមាន កន្លែងជិតដងទន្លេ និងដៃទន្លេ ជាពិសេសទន្លេ Kwai Noi, Pa Sak, Chao Phraya, Chi, Mun, Nakhon Nayok, Prachin Buri, Bang Pakong, Rayong, Chanthaburi និងទន្លេ Trat ។

រដ្ឋាភិបាលបានណែនាំដល់ស្ថាប័នពាក់ព័ន្ធឲ្យតាមដានតំបន់ដែលងាយនឹងមានទឹកជំនន់ និងទប់ស្កាត់ការកកស្ទះណាមួយដែលអាចកើតមាន ។ រចនាសម្ព័ន្ធធារាសាស្ត្រ និងប្រព័ន្ធលូ ក៏ដូចជាច្រាំងទន្លេត្រូវតែបន្តត្រួតពិនិត្យ ជាពិសេសកងកម្លាំង និងឧបករណ៍ជំនួយទាំងអស់ត្រូវតែប្រុងជើងការសម្រាប់ការដាក់ពង្រាយភ្លាមៗ ៕