ល្បីថា តួឯកប្រុសរឿង ‘365 Days’ លួចទាក់ទងស្នេហាជាមួយ Khloe Kardashian

តួឯកប្រុសរឿង ‘365 Days’ លោក Michele Morrone និង Khloe Kardashian បានបង្កឲ្យមានពាក្យ ចចាមអារ៉ាមអំពីស្នេហា នៅពេលដែលអ្នកទាំងពីរបានថតរូបស្និទ្ធស្នាលជាមួយគ្នានៅខាងក្រោយ ឆាកក្នុងកម្មវិធី Dolce & Gabbana’s Spring/Summer 2023 កាលពេលថ្មីៗនេះ។

នៅក្នុងកម្មវិធីបង្ហាញម៉ូតនោះ គេសង្គេតឃើញ Khloe និងតារាសម្តែង Michele នៅជាមួយគ្នា ជាពិសេសតួឯកប្រុសក្នុងរឿង ‘365 Days’ រូបនេះបានចែករំលែករូបថតមួយសន្លឹកនៅលើ Instagram Story របស់លោក ដោយបានយកដៃអោបចង្កេះនាងយ៉ាងស្និតស្នាលខ្លាំង ។

បន្ថែមពីនេះក៏មានការស៊ែរវីដេអូតៗគ្នានៅលើ Twitter បានបង្ហាញពីអ្នកទាំងពីរកំពុងកាន់ដៃគ្នាក៏ដូចជារាំ និងខ្សឹបខ្សាវគ្នានៅក្នុងពិធីជប់លៀងមួយ ដែលធ្វើឲ្យអ្នកលេងអ៊ីនធឺណិតរឹតតែសង្ស័យលើអ្នកទាំងពីរថា កំពុងមានទាក់ទងស្នេហាជាមួយគ្នាប្រាកដមែន ។

យ៉ាងណាមិញបន្ទាប់ពីលេចឮពាក្យចចាមអារ៉ាមនេះឡើង អ្នកតំណាងរបស់ Michele បានប្រាប់ទៅសារព័ត៌មាន E News ថា “អ្នកទាំងពីរមិនមានទំនាក់ទំនងស្នេហា ដូចអ្វីដែលអ្នកទាំងអស់គ្នានិយាយឡើយ” ៕

ប្រែសម្រួលដោយ ៖ នាងតូច

ចុចអាន៖Rihanna ត្រៀមចេញអាល់ប៊ុមថ្មីលើកដំបូង ក្រោយខកខានជិត ៦ ឆ្នាំ