កីឡា
ឈ្នះព័រទុយហ្គាល់ តែគ្រូជម្រើសជាតិអេស្ប៉ាញថា នៅ World Cup នៅតែមិនប្រាកដប្រជាសម្រាប់ក្រុម
លោក Luis Enrique បានសារភាពថា លោកនៅតែមិនទាន់សម្រេចចិត្តលើក្រុមចុងក្រោយរបស់ជម្រើសជាតិអេស្ប៉ាញ សម្រាប់ការប្រកួតបាល់ទាត់ពិភពលោក FIFA World Cup ខែវិច្ឆិកាខាងមុខ។
លោក Enrique បានមើលការខុសត្រូវលើការទទួលជ័យជម្នះចុងក្រោយរបស់អេស្ប៉ាញ ទល់នឹង ព័រទុយហ្គាល់ កាលពីយប់មិញ ដែលនាំឱ្យក្រុមរបស់លោកឈរកំពូលតារាង ពូល A2 ហើយមានសិទ្ធិសម្រាប់ការប្រកួតវគ្គពាក់កណ្ដាលផ្តាច់ព្រ័ត្រ Nations League នៅឆ្នាំក្រោយ។
អេស្ប៉ាញ ពិតជាមានសំណាងក្នុងការឈ្នះ ព័រទុយហ្គាល់ ដោយគ្រាប់បាល់ចុងម៉ោងរបស់ Alvaro Morata ហើយព័រទុយហ្គាល់ ក៏បានខកខានឱកាសល្អមួយចំនួនធំផងដែរ។
ប៉ុន្តែទោះបីជាការប្រកួត World Cup នៅសល់តែពីរខែទៀតក៏ដោយ អ្នកចាត់ការសញ្ជាតិអេស្ប៉ាញរូបនេះ នៅតែមិនប្រាកដក្នុងការជ្រើសរើសកីឡាករចុងក្រោយរបស់លោក សម្រាប់ការប្រកួតនៅប្រទេសកាតា។ លោក Enrique បាននិយាយថា “ការបង្វឹកកីឡាករទាំងនេះ គឺអស្ចារ្យណាស់។”
“វាជាការរីករាយដែលមានកីឡាករជាច្រើនមានគុណភាពបែបនេះ ហើយវាជាការអាម៉ាស់មួយដែលនឹងត្រូវខកខាន។ ខ្ញុំមិនមានបញ្ជីច្បាស់លាស់ [សម្រាប់ World Cup] ទេ។ វានឹងពិបាកសម្រាប់ខ្ញុំក្នុងការសម្រេចចិត្ត ប៉ុន្តែនោះជាមូលហេតុដែលខ្ញុំជាគ្រូបង្វឹក។” លោក Enrique បានបន្ថែម។
ស្របពេលជាមួយគ្នា លោក Fernando Santos គ្រូព័រទុយហ្គាល់ ជឿជាក់ថាកីឡាកររបស់លោកត្រូវតែរៀនពីការបរាជ័យ។ លោកបាននិយាយថា “វាត្រូវតែ [ជាមេរៀន]” ។ “យើងត្រូវរក្សាទម្រង់លេងរបស់យើង មិនថាគូប្រកួតណាឡើយ ហើយយើងធ្វើបែបនោះជាយូរមកហើយ។ យើងមានឱកាសល្អខ្លះក្នុងតង់ទីមួយ ចលនាបាល់បានល្អ វាយសម្រុកក៏បានល្អ។ យើងបានបង្កើតឱកាសស៊ុតបញ្ចូលទីជាច្រើន។”
“បន្ទាប់មកយើងបាត់បង់ការរក្សាបាល់ កីឡាករមិនអាចគ្រប់គ្រងការប្រកួត និងបង្ខំឱ្យអេស្ប៉ាញត្រឡប់មកទម្រង់លេងរបស់គេវិញ។ បន្ទាប់មកពួកគេចាប់ផ្តើមបង្កើនសម្ទុះម្ដងហើយម្ដងទៀត។ អេស្ប៉ាញពិតជាមិនមានឱកាសទេ ប៉ុន្តែពួកគេបានស៊ុតបាល់បញ្ចូលទីមួយគ្រាប់ហើយឈ្នះ។”
អេស្ប៉ាញ ប៉ះ កូស្តារីកា អាល្លឺម៉ង់ និងជប៉ុន នៅ World Cup ខណៈព័រទុយហ្គាល់ ប៉ះ ហ្គាណា អ៊ុយរូហ្គាយ និងកូរ៉េខាងត្បូង៕
ប្រភព៖ theathletic.com
អត្ថបទ៖ មន្នីរ័ត្ន
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម