ព័ត៌មានជាតិ

មានករណីឆាបឆេះរថយន្តសាំយ៉ុងមួយគ្រឿងខ្ទេចអស់ទាំងស្រុងដោយសារឆ្លងចរន្តខ្សែភ្លើង

បានផុស

៥ years មុន

នៅ

ថ្ងៃពុធ ៣០ ធ្នូ ២០២០

ដោយ

កំពង់ឆ្នាំង ៖ រថយន្តសាំយុងមួយគ្រឿងបានឆ្លងខ្សែភ្លើងឆេះហ្មត់ទាំងស្រុងដែល កើតឡើងដោយសារការឆ្លងខ្សែភ្លើងបង្កឲ្យខូចខាតសម្ភារៈអស់ប៉ុន្មាន ២ម៉ឺនដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍ភ្ញាក់ផ្អើលខាងលើនេះ បានកើតឡើង វេលាម៉ោង ៥និង៣០នាទីព្រឹកថ្ងៃទី៣០ ខែធ្នូ ឆ្នាំ២០២០ នៅចំណុចជិតផ្សារពន្លៃជាប់ដងផ្លូវជាតិលេខប្រាំស្ថិតក្នុង ភូមិពន្លៃ ឃុំពន្លៃ ស្រុកបរិបូណ៌។

សមត្ថកិច្ចនគរបាលស្រុកបរិបូណ៌បានឲ្យដឹងថា រថយន្តសាំយុងដែលខូចខាតខាងលើពាក់ស្លាកលេខភ្នំពេញ2.AA0144 អ្នកបើកបរមានឈ្មោះ ទិតហេង ភេទប្រុស អាយុ៣០ឆ្នាំ ជនជាតិខ្មែរ រស់នៅភូមិអង្គស្ជាយខាងជើង ស្រុកអង្គជ័យ ខេត្តកំពត ធ្វើដំណើរពីភ្នំពេញទៅខេត្តពោធិ៍សាត់ លុះដល់មកកន្លែងកើតហេតុនៅចំណុចបង្គោលគីឡូម៉ែត្រ.១២៣.១២៤ស្ថិតនៅភូមិពន្លៃ ឃុំពន្លៃ ស្រុកបរិបូណ៌ ខេត្តកំពង់ឆ្នាំង ក៏ឆ្លងប្រព័ន្ធខ្សែភ្លើងបណ្ដាលឲ្យ ឆេះរថយន្តតែម្ដងនៅសល់តែគ្រោងឆ្អឹងតែម្តង។

តាមការបញ្ជាក់ របស់អ្នកបើកបររថយន្តបានឲ្យដឹងថា រថយន្តសាំយ៉ុងខាងលើនេះដឹកថ្នាំលាប.U90និង ទឹកក្រូច ដែលសរុបការខូចខាតមានប្រមាណជាង ២ម៉ឺនដុល្លារ។

ដោយឡែកនៅក្នុងករណីរថយន្តខាងលើនេះរថយន្តពន្លត់អគ្គីភ័យរបស់អធិការនគរបាលស្រុកបរិបូណ៌ ក៏បានជួយធ្វើអន្តរាគមន៍បាញ់ពន្លត់អស់ពិសមួយឡាននឹងត្រូវបានរលត់ទាំងស្រុងនៅវេលាម៉ោង៦និង៤៥នាទី៕
ដោយ ៖ ឈៀង ថារិទ្ធ