ព័ត៌មានអន្ដរជាតិ
លោក Stoltenberg៖ ណាតូ មិនត្រូវមើលស្រាល រុស្ស៊ី ទេ
ថ្វីបើអគ្គលេខាធិការអង្គការណាតូលោក Jens Stoltenberg សាទរចំពោះការដកទ័ពរបស់រុស្ស៊ីនៅច្រាំងទន្លេ Dnieper ថាជាជ័យជម្នះសម្រាប់អ៊ុយក្រែនក៏ដោយ ប៉ុន្តែលោកបានជំរុញបស្ចិមកុំឲ្យមើលងាយសក្តានុពលរបស់ទីក្រុងមូស្គូសម្រាប់ការដកថយនេះឲ្យសោះ។
នៅពេលសួរអំពីការប្រកាសដកទ័ពរបស់រុស្ស៊ីចេញពីតំបន់ Kherson, លោក Stoltenberg បានសរសើរកងកម្លាំងរបស់ទីក្រុងកៀវ សម្រាប់សមត្ថភាពរបស់ពួកគេក្នុងការរំដោះទឹកដីអ៊ុយក្រែនបន្ថែមទៀត ហើយថា ការគាំទ្រដែលពួកគេទទួលបានពីចក្រភពអង់គ្លេស ពីសម្ព័ន្ធមិត្ត និងដៃគូណាតូ គឺជារឿងចាំបាច់។
លោកបានប្រាប់អ្នកកាសែតនៅទីក្រុងឡុងដ៍ កាលពីថ្ងៃពុធទី០៩ខែវិច្ឆិកាថា “យើងបានឃើញការប្រកាសនេះ ប៉ុន្តែជាការពិតណាស់ យើងនឹងរង់ចាំមើលថាតើមានអ្វីកើតឡើង”។
មេដឹកនាំណាតូរូបនេះ បាននិយាយនៅក្នុងបទសម្ភាសន៍ដាច់ដោយឡែកមួយជាមួយ Sky News ថា “ប៉ុន្តែយើងមិនត្រូវមើលស្រាលរុស្ស៊ីទេ ពួកគេនៅតែមានសមត្ថភាព។ យើងបានឃើញដ្រូន យើងបានឃើញការវាយប្រហារដោយមីស៊ីល។ វាបង្ហាញថា រុស្ស៊ីនៅតែអាចបង្កការខូចខាតច្រើន”។
ទោះបីជាមានការវាយលុកទ្រង់ទ្រាយធំដោយកងកម្លាំងអ៊ុយក្រែនកាលពីថ្ងៃអង្គារក៏ដោយ ក៏ឧត្តមសេនីយ៍រុស្ស៊ី Sergey Surovikin បានសម្រេចចិត្តដកកងទ័ពចេញពីតំបន់ Kherson ឆ្លងកាត់ទន្លេ Dnieper កាលពីថ្ងៃពុធ។
លោកបានលើកហេតុផលថា ប្រសិនបើទីក្រុងកៀវ ទទួលបានជោគជ័យជាមួយនឹងគម្រោងបំផ្ទុះទំនប់ Kakhovskaya នោះ ទឹកជំនន់នឹងបណ្តាលឲ្យមានជនស៊ីវិលនិងយោធាស្លាប់ និងរបួសយ៉ាងច្រើននៅក្នុងតំបន់នេះ។
អស់រយៈពេលជាច្រើនសប្តាហ៍មកហើយ កងកម្លាំងរុស្ស៊ីបាននិងកំពុងជម្លៀសប្រជាជនស៊ីវិលចេញពីតំបន់ Kherson ខណៈយោធាអ៊ុយក្រែន បាញ់ផ្លោងមិនរើសមុខនៅក្នុងតំបន់។ លោកSurovikin និយាយថា ពលរដ្ឋជាង ១១៥ ០០០នាក់ ត្រូវបានជម្លៀសចេញពីត្រើយខាងសាំងនៃទន្លេ៕
ប្រែសម្រួល៖ Vann Vann
ប្រភព៖ RT
ចុចអាន៖ ណាតូ ប្រកាសផ្តល់អាវុធការពារដែនអាកាសទំនើបៗ ទៅឲ្យ អ៊ុយក្រែន
-
ព័ត៌មានជាតិ៤ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ព័ត៌មានអន្ដរជាតិ៣ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ជីវិតកម្សាន្ដ១ សប្តាហ៍ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៦ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា៣ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៥ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៦ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
សន្តិសុខសង្គម២ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប