រថយន្តប្លាំងដាស់របស់លោក ចូ បៃដិន មិនមែនចាក់សាំងឡើយ

រថយន្តការពារគ្រាប់ (ប្លាំងដាស់) ដែលលោក ចូ បៃដិន ប្រធានាធិបតីសហរដ្ឋអាមេរិក តែងតែជិះសម្រាប់ដំណើរទស្សនកិច្ច ក៏ដូចជាចូលរួមក្នុងកិច្ចប្រជុំកំពូលណាមួយនៅក្រៅប្រទេសនោះ គឺមិនមែនចាក់សាំងនោះទេ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រថយន្តដែលមានតម្លៃសរុបប្រមាណជាង ១៦ លានដុល្លារអាមេរិក ម៉ាក Cadillac ដែលក៏កំពុងមានវត្តមាននៅព្រះរាជាណាចក្រកម្ពុជាផងដែរនោះ គឺជាប្រភេទរថយន្តចាក់ ប្រេងម៉ាស៊ូត ដែលដំណើរការដោយម៉ាស៊ីនម៉ាស៊ូត Duramax របស់ក្រុមហ៊ុន General Motors ដោយសារតែវាមានហានិភ័យទាបបំផុតចំពោះការផ្ទុះណាមួយកើតឡើង ។

ដោយឡែកចំពោះរថយន្តប្លាំងដាស់ដែលទម្ងន់ជាង ៩ តោនក្នុងមួយគ្រឿង និងមានជញ្ជាំងកម្រាស់ ២០ សង់ទីម៉ែត្រស្រោបដោយដែកនេះ ប្រើប្រាស់ប្រេងម៉ាស៊ូតចន្លោះពី ២៩ លីត្រក្នុង ១០០ គីឡូម៉ែត្រ ទៅ ៦៣.៥ លីត្រក្នុង ១០០ គីឡូម៉ែត្រ ទៅតាមកាលៈទេសៈ ។

គួរបញ្ជាក់ថា លោកប្រធានាធិបតីអាមេរិក ចូ បៃដិន បានអញ្ជើញមកដល់ទឹកដីនៃព្រះរាជាណាចក្រកម្ពុជានៅព្រឹកថ្ងៃទី១២ ខែវិច្ឆិកានេះ ដើម្បីចូលរួមកិច្ចប្រជុំកំពូលប្រចាំឆ្នាំអាស៊ាន-អាមេរិក និងកិច្ចប្រជុំកំពូលអាស៊ីបូព៌ាផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Guide Auto / Left Lane

ចុចអាន ៖ ដឹងទេ រថយន្ត ប្លាំងដាស់ របស់លោក ចូ បៃដិន ជិះចូលរួមកិច្ចប្រជុំនៅ កម្ពុជា មានតម្លៃប៉ុន្មាន?