លោក Medvedev ៖ កុំសង្ឃឹមឲ្យសោះថា រុស្ស៊ី អស់អាវុធប្រយុទ្ធនៅ អ៊ុយក្រែន

អនុប្រធានក្រុមប្រឹក្សាសន្តិសុខជាតិរុស្ស៊ី លោក Dmitry Medvedev បាននិយាយកាលពីពេលថ្មីៗនេះថា ប្រទេសដែលគិតថា រុស្ស៊ីកំពុងអស់អាវុធប្រយុទ្ធនៅអ៊ុយក្រែននោះ គឺខុសទាំងស្រុងហើយ កុំសង្ឃឹមឲ្យសោះ វាមិនដូច្នោះឡើយ ។

លោកបាននិយាយនៅលើបណ្ដាញ Telegram កាលពីថ្ងៃពុធថា អ្វីគ្រប់យ៉ាង គឺផ្ទុយទៅនឹងការរំពឹងទុករបស់ “សត្រូវ”, ប្រទេសរុស្ស៊ីមានស្តុកអាវុធគ្រប់គ្រាន់ដើម្បីបន្តការវាយប្រហារ និងប្រយុទ្ធនៅអ៊ុយក្រែន ។

លោក Medvedev បានបញ្ជាក់​ថា “ខ្មាំងសត្រូវគួរតែដឹងឲ្យច្បាស់លាស់ ជាជាងដាក់ក្ដីសង្ឃឹម ពាក់ព័ន្ធនឹងការបាត់បង់ធនធានណាមួយរបស់យើង ។ យើងមានអាវុធគ្រប់គ្រាប់សម្រាប់កងកម្លាំងរាល់គ្នារបស់យើង” ។

ការព្រមានរបស់លោក Medvedev បានកើតឡើង បន្ទាប់ពីអតីតប្រធានាធិបតីរុស្ស៊ីរូបនេះ​បាន​ធ្វើ​ដំណើរ​ទៅ​កាន់​ក្រុមហ៊ុន​រដ្ឋ Region ដើម្បី​ពិភាក្សា​អំពីការ​បង្កើន​ការ​ផ្គត់ផ្គង់​អាវុធ​ថ្មីៗ​ដល់​កង​កម្លាំង​ប្រដាប់​អាវុធ​រុស្ស៊ី ។

គួរបញ្ជាក់ថា ក្រុមហ៊ុន Region ដែលត្រូវបានបង្កើតឡើងក្នុងឆ្នាំ ១៩៦៩ គឺជាក្រុមហ៊ុនផលិតអាវុធបាញ់នៅក្រោមទឹក និងគ្រាប់បែកដ៏ធំបំផុតមួយរបស់រុស្សី ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ លោក ពូទីន បង្ហាញសារសំខាន់ការបង្រួបបង្រួមអតីតសាធារណរដ្ឋសូវៀត