ព័ត៌មានអន្ដរជាតិ
កងទ័ព ឡាវ-រុស្ស៊ី គ្រោងធ្វើសមយុទ្ធទ្រង់ទ្រាយធំរួមគ្នា
ប្រភពព័ត៌មានបានឱ្យដឹងថា កងទ័ពឡាវ និង រុស្ស៊ី គ្រោងនឹងធ្វើសមយុទ្ធទ្រង់ទ្រាយធំរួមគ្នា ក្រោមប្រធានបទ ឬលេខកូដ “LAROS-2022” នាពេលឆាប់ៗខាងមុខនេះ ដែលកងឯកភាពជាច្រើនរបស់កងទ័ពឡាវ ទាំងកងទ័ពជើងគោក និងទ័ពអាកាស បានបញ្ជាឱ្យអង្គភាពរបស់ខ្លួនត្រៀមលក្ខណៈយ៉ាងពេញទំហឹងរួចជាស្រេច។
កាលពីថ្ងៃទី២៤ ខែវិច្ឆិកា ឧត្តមសេនីយ៍ទោ ខាំលៀង ឧថាកៃសន (Kham Liang Utakaisone) អនុរដ្ឋមន្ត្រីក្រសួងការពារជាតិ និងជាអគ្គសេនាធិការនៃកងទ័ពប្រជាជនឡាវ បានចុះត្រួតពិនិត្យទីតាំងភូមិសាស្ត្រដើម្បីត្រៀមលក្ខណៈធ្វើសមយុទ្ធយោធាទ្រង់ទ្រាយធំរួមគ្នារវាងកងទ័ព «ឡាវ-រុស្ស៊ី» ក្រោមប្រធានបទ ឬលេខកូដ “LAROS-2022” ដែលនឹងធ្វើឡើងនៅខេត្តសៀងខ្វ័ង (Xieng Khouang) ភាគឦសាននៃប្រទេសឡាវ ដែលមានព្រំប្រទល់ដែនជាប់នឹងប្រទេសវៀតណាម។
កន្លងមក កងទ័ពប្រជាជនឡាវ និងកងទ័ពរុស្ស៊ី បានរៀបចំសមយុទ្ធទ្រង់ទ្រាយធំរួមគ្នាក្រោមប្រធានបទ ឬលេខកូដ LAROS ជាលើកដំបូងក្នុងឆ្នាំ២០១៩ លើកទី២ នៅឆ្នាំ២០២១ ដែលមានសហព័ន្ធរុស្ស៊ីធ្វើជាម្ចាស់ផ្ទះ។ ចំណែកឆ្នាំ២០២២នេះ នឹងធ្វើឡើងនាពេលឆាប់ៗខាងមុខនេះ ដែលជាសមយុទ្ធយោធាទ្រង់ទ្រាយធំរួមគ្នាលើកទី៣របស់កងទ័ពនៃប្រទេសទាំងពីរ។
ប្រភពដដែលបន្តថា រហូតមកដល់ពេលនេះ នៅមិនទាន់មានព័ត៌មានលម្អិតថា តើសមយុទ្ធរួម “LAROS-2022” នេះ នឹងចាប់ផ្តើមជាផ្លូវការនៅពេលណានៅឡើយទេ៕
ប្រែសម្រួល៖ គង់ សំអាន
ប្រភព៖ Mgronline
ចុចអាន៖ រុស្ស៊ី បញ្ជូនគ្រូបង្វឹកបោសសំអាតគ្រាប់យុទ្ធភ័ណ្ឌមិនទាន់ផ្ទុះជួយដល់ ឡាវ
ចុចអាន៖ រុស្ស៊ី ថា មីស៊ីលរបស់ អ៊ុយក្រែន ខ្លួនឯងទេដែលធ្លាក់ក្នុងទីក្រុងកៀវនោះ
-
សេដ្ឋកិច្ច៧ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ៥ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
ព័ត៌មានអន្ដរជាតិ៤ ថ្ងៃ ago
ព្យុះព្រះអាទិត្យ ដ៏កាចសាហាវ វាយប្រហារភពផែនដី
-
ព័ត៌មានជាតិ៣ ថ្ងៃ ago
ការផ្លាស់ប្ដូរមេបញ្ជាការអាវុធហត្ថស្រុកមណ្ឌលសីមា ពុំមែនកំហុសឆ្គង ឬ វិន័យទណ្ឌកម្ម នោះទេ
-
ជីវិតកម្សាន្ដ៦ ថ្ងៃ ago
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
-
នយោបាយ៦ ថ្ងៃ ago
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
-
ព័ត៌មានអន្ដរជាតិ២២ ម៉ោង ago
ស្លាប់២ របួស៣ ក្នុងករណីប្លន់រំដោះស្ដេចគ្រឿងញៀននៅបារាំង
-
ព័ត៌មានអន្ដរជាតិ៧ ថ្ងៃ ago
អ៊ុយក្រែន បើកការវាយប្រហារចូលដីរុស្ស៊ី ចំទិវាជ័យជម្នះ