ព័ត៌មានជាតិ

អាហារូបករណ៍ ១០០% សិក្សានៅសាកលវិទ្យាល័យសម្ដេចព្រះមហាសង្ឃរាជ បួរ គ្រី

បានផុស

៣ years មុន

នៅ

ថ្ងៃព្រហស្បតិ៍ ១ ធ្នូ ២០២២

ដោយ

អាហារូបករណ៍ ១០០% ចំនួន ៧០ កន្លែង នឹងផ្តល់សម្រាប់សិស្សបន្តការសិក្សាថ្នាក់បរិញ្ញាបត្រឆ្នាំសិក្សា ២០២២-២០២៣ នៅសាកលវិទ្យាល័យសម្ដេចព្រះមហាសង្ឃរាជ បួរ គ្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាហារូបករណ៍ដែលផ្ដល់ដោយលោក ស សុខា រដ្ឋលេខាធិការក្រសួងអប់រំ យុវជន និងកីឡា និងជាតំណាងរាស្ត្រមណ្ឌលព្រៃវែង បានបើកឱកាសដល់សិស្សនៅទូទាំងប្រទេសជាពិសេសសិស្សនិស្សិតមកពី ខេត្តព្រៃវែង បាត់ដំបង និងខេត្តបន្ទាយមានជ័យ។

ការទទួលអាហារូបករណ៍តាមរយៈលក្ខខណ្ឌមួយចំនួនដូចខាងក្រោមនេះ៖

I.លក្ខខណ្ឌសម្រាប់សិស្ស-និស្សិតដាក់ពាក្យស្នើសុំ

ផ្តល់ជូនសិស្ស-និស្សិតទូទាំងប្រទេស សិស្ស-និស្សិតមកពីខេត្ត ព្រៃវែង បាត់ដំបង និងខេត្តបន្ទាយមានជ័យ (ទទួលបានអាទិភាព)
សិស្ស-និស្សិតធ្លាប់បានចូលរួមសកម្មភាពការងារសង្គម ឬ មានជីវភាពខ្វះខាត(ទទួលបានអាទិភាព) (ត្រូវភ្ជាប់ជាមួយលិខិតបញ្ជាក់ថាបានចូលរួមសកម្មភាពការងារសង្គម ឬ លិខិតបញ្ជាក់ភាពក្រីក្រចេញដោយអាជ្ញាធរ)
សិស្ស-និស្សិតត្រូវបំពេញពាក្យស្នើសុំ ប្រវត្តិរូបសង្ខេប សលាកបត្រឯកត្តជន (មានគំរូ)
សិស្ស-និស្សិតត្រូវបំពេញកិច្ចសន្យាខិតខំរៀនសូត្រ និងគោរពតាមវិធានបទបញ្ជាផ្ទៃក្នុងរបស់ក្រុមការងារ។

II.លក្ខខណ្ឌជ្រើសរើសកម្រិតសិក្សា

ថ្នាក់បរិញ្ញាបត្រ ត្រូវមានសញ្ញាប័ត្រមធ្យមសិក្សា ទុតិយភូមិ ឬសញ្ញាប័ត្រដែលមានតម្លៃសមមូល

III. ជំនាញ និងព័ត៌មានទាក់ទងនឹងគ្រឹះស្ថានឧត្ដមសិក្សា

ប្រវត្តិសាស្ត្រ ខ្មែរ
អក្សរសាស្ត្រខ្មែរ
ភាសា អង់គ្លេស
ភាសា ចិន
ភាសា បារាំង
បរិស្ថានវិទ្យា
វិទ្យាសាស្ត្រ កុំព្យូទ័រ
ភូមិវិទ្យា និងរៀបចំដែនដី
វិទ្យាសាស្ត្រ នយោបាយ
នីតិសាធារណៈ
នីតិឯកជន
ទស្សនវិជ្ជា ពុទ្ធសាសនា
សង្គមវិទ្យា
វិស្វកម្មសំណង់អគារ
វិស្វកម្មអគ្គិសនី
ស្ថាបត្យកម្ម
វិស្វកម្មអភិវឌ្ឍ ជនបទ
កសិកម្ម
អភិវឌ្ឍន៍សហគមន៍
គ្រប់គ្រងទេសចរណ៍ និងបដិសណ្ឋារកិច្ច

ការដាក់ពាក្យស្នើសុំ

សិស្ស-និស្សិត អាចដាក់ពាក្យស្នើសុំអាហារូបករណ៍បានដោយ ដាក់ពាក្យផ្ទាល់នៅទីស្នាក់ការអាហារូបករណ៍ ស សុខា ដែលមានអាសយដ្ឋាន ផ្ទះលេខ៤៤ ផ្លូវលេខ៤៣២ សង្កាត់ទួលទំពូងទី១ ខណ្ឌចំការមន រាជធានីភ្នំពេញ
អាចដាក់តាមរយៈ Facebook Page អាហារូបករណ៍ ស សុខា ដោយបំពេញពាក្យស្នើសុំ និងភ្ជាប់ជាមួយនឹងឯកសារតម្រូវ
មួយទៀត តាមរយៈ Telegram របស់ក្រុមការងារអាហារូបករណ៍ ស សុខា ។