កីឡា
ផ្ទុះការជជែកបែកផ្សែងពេញពិភពលោក រឿងយកអាជ្ញាកណ្តាលអាហ្សង់ទីន កាត់សេចក្តីក្នុងជំនួប ព័រទុយហ្គាល់-ម៉ារ៉ុក
កីឡាករព័រទុយហ្គាល់ទាំង Pepe និង Bruno Fernandes សុទ្ធតែបានសម្តែងក្តីមិនពេញចិត្តចំពោះ FIFA ដែលជ្រើសរើសយកអាជ្ញាកណ្តាលសញ្ជាតិអាហ្សង់ទីន Facundo Tello មកកាត់សេចក្តីក្នុងជំនួបវគ្គ៨ក្រុមចុងក្រោយពានរង្វាន់ World Cup ដែលធ្វើឲ្យក្រុមរបស់ពួកគេ ចាញ់ម៉ារ៉ុក ដោយលទ្ធផល ១-០។
ព័រទុយហ្គាល់ បានក្លាយជាក្រុមបាល់ទាត់ធំមួយទៀត ដែលធ្លាក់ចេញពី World Cup កាតាឆ្នាំ២០២២ ខណៈម៉ារ៉ុក បានបង្កើតប្រវត្តិសាស្រ្ត ក្លាយជាប្រទេសអាហ្វ្រិកនិងអារ៉ាប់ទី១ ដែលបានឈានទៅវគ្គ Semi-Final។
ក្រោយចប់ការប្រកួត Pepe និយាយថា “វាមិនអាចទទួលយកបានទេសម្រាប់អាជ្ញាកណ្តាលក្នុងការប្រកួតរបស់យើង។ បន្ទាប់ពីខ្ញុំបានឃើញរឿងទាំងនេះ ពួកគេគួរតែឲ្យពានអាហ្សង់ទីនទៅ”។
ហេតុផលជាក់ស្តែងរបស់ Pepe សម្រាប់ការរិះគន់អាជ្ញាកណ្តាលគឺថា អាជ្ញាកណ្តាលមកពីទឹកដីរបស់ Messi មិនគួរទទួលបន្ទុកលើការប្រកួតដែលពាក់ព័ន្ធនឹង Ronaldo នោះទេ។ ទំនាក់ទំនងរបស់ព័រទុយហ្គាល់ជាមួយប្រេស៊ីល ដែលជាគូប្រជែងដ៏អស្ចារ្យរបស់អាហ្សង់ទីន ក៏អាចជាផ្នែកមួយផងដែរ។
ចំណែក Bruno និយាយថា ការសម្រេចចិត្តរបស់អាជ្ញាកណ្តាល មិនឲ្យបាល់ប៉េណាល់ទីទៅគាត់ គឺជារឿងមិនគួរឲ្យជឿទាល់តែសោះ។ វាជារឿងចម្លែកណាស់ដែលត្រូវមានអាជ្ញាកណ្តាល ដែលក្រុមជម្រើសជាតិរបស់ពួកគេនៅតែមានវត្តមានក្នុងព្រឹត្តិការណ៍ World Cup ហើយយើងមិនមានអាជ្ញាកណ្តាលព័រទុយហ្គាល់។ វាជារឿងលម្អៀងយ៉ាងច្បាស់ក្រឡែត។
មិនត្រឹមកីឡាករឡើយ សូម្បីអ្នកគាំទ្រនិងមជ្ឈដ្ឋានទូទៅជុំវិញពិភពលោក ក៏កំពុងជជែកគ្នាបែកផ្សែងផងដែរ ពាក់ព័ន្ធការជ្រើសរើសយកអាជ្ញាកណ្តាលអាហ្សង់ទីន ឲ្យទៅកាត់សេចក្តីការប្រកួតរបស់ព័រទុយហ្គាល់។
អ្នកគាំទ្រមួយចំនួននិយាយថា បាល់ទាត់បច្ចុប្បន្នគឺហាក់ដូចជាថា អាហ្សង់ទីននិងព័រទុយហ្គាល់ គឺជាគូប្រជែងធំបំផុតលើពិភពលោក ព្រោះអាហ្សង់ទីនមាន Messi រីឯព័រទុយហ្គាល់ មាន Ronaldo ដូចជា Real Madrid និង Barcelona ពីមុនអ៊ីចឹង។
ការសម្រេចចិត្តយកអាជ្ញាកណ្តាលអាហ្សង់ទីន ទៅកាត់សេចក្តីការប្រកួតរបស់ព័រទុយហ្គាល់ ឬការយកអាជ្ញាកណ្តាលព័រទុយហ្គាល់ ទៅកាត់សេចក្តីការប្រកួតរបស់អាហ្សង់ទីន ពិតណាស់ នឹងមានភាពលម្អៀងមិនអាចចៀសផុត៕
អត្ថបទ៖ Vann Vann
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៨ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ