សុខភាព

សូមស្វែងយល់ ស្ត្រីមានផ្ទៃពោះ និងថ្ងៃគ្រប់ខែ ថ្ងៃសម្រាលកូន

បានផុស

៦ years មុន

នៅ

ថ្ងៃអាទិត្យ ១១ តុលា ២០២០

ដោយ

១) ថ្ងៃឈឺពោះសម្រាលកូន ជាថ្ងៃដែលឈឺពោះមានចង្វាក់ឈឺបាត់ឈឺបាត់ (ក្នុងនោះមានរំអិលលាយឈាមផងដែរ) ឈឺរហូតដល់កូនកើតចេញពីផ្ទៃម្តាយ។

– សម្រាលកូនគ្រប់ខែៈ គឺសម្រាលកូនក្នុងចន្លោះពេលដែលកូនមានអាយុ៣៧សប្ដាហ៍ពេញ នៃការបាត់រដូវ និង ៤១សប្ដាហ៍ ៣ថ្ងៃ។
– សម្រាលកូនមិនគ្រប់ខែ ៖
– ក្រោម៦ខែ ស្មើ រលូត
– ពី ៦ខែ ទៅ ៨ខែកន្លះ ស្មើ សម្រាលមុនខែ
– កូនលើសខែ ស្មើ គឺពី៤១ សប្ដាហ៍ នៃការបាត់រដូវឡើងទៅ

២) ថ្ងៃទី១ នៃរដូវចុងក្រោយៈ គឺជា
– ថ្ងៃទី១ ដែលឈាមរដូវធ្លាក់ (មិនមែនជាថ្ងៃដែលអស់ឈាមរដូវទេ)
– គឺជាខែចុងក្រោយគេ ដែលរដូវមក (មិនមែនខែ ដែលអត់មកទេ)

៣) រដូវទៀងទាត់ៈ គឺរដូវដែលមក២៨ថ្ងៃម្តង
ឧទាហរណ៍ៈ
– ខែមុន រដូវមកថ្ងៃទី៣០
– ខែបន្ទាប់ត្រូវមកថ្ងៃទី២៨
– ខែបន្ទាប់ទៀត ត្រូវមកថ្ងៃទី២៦

៤) សប្ដាហ៍ នៃការបាត់រដូវ
យើងគិតអាយុកូនក្នុងផ្ទៃជាសប្ដាហ៍ ដោយរាប់ពីថ្ងៃទី១ នៃរដូវ ដែលមកខែចុងក្រោយគេ។
៥) ថ្ងៃបង្កកំណើតកូនៈ គឺ១៤ថ្ងៃ បន្ទាប់ពីថ្ងៃទី១ នៃរដូវដែលមកខែចុងក្រោយគេ
៦) ការកំណត់ថ្ងៃសម្រាលកូនៈ តាមរដូវដែលទៀងទាត់ក្តី (២៨ថ្ងៃ)

តាមអេកូបីខែដំបូងក្តី គឺយើងកំណត់យក៤០សប្ដាហ៍ នៃការបាត់រដូវជាថ្ងៃសម្រាល។ តែកូនអាចសម្រាលមុន១០ថ្ងៃ ឬក្រោយ១០ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៧) ការកំណត់ថ្ងៃសម្រាលកូន តាមអេកូបីខែដំបូងក្តី និងតាមរដូវដែលទៀងទាត់ក្តី គឺពុំមានខុសគ្នាឡើយ។ ខុសគ្នាយ៉ាងច្រើន ៣ ទៅ ៤ថ្ងៃប៉ុណ្ណោះ។ ដូច្នេះបើប្អូនមិនចាំរដូវ ប្អូនត្រូវយកថ្ងៃសម្រាលកូនតាមអេកូបីខែដំបូង។
៨) បើដល់ថ្ងៃសម្រាលហើយ គឺ៤០សប្ដាហ៍ ពុំទាន់ឈឺពោះសម្រាល ប្អូនត្រូវមើលអេកូម្តងទៀត បើទឹកភ្លោះនៅគ្រប់គ្រាន់ សុខភាពកូននៅល្អ ប្អូនអាចទុកតាមដានបាន១០ថ្ងៃទៀត ដោយប្អូនត្រូវមកតាមដានផ្ទៃពោះរាល់ ២ ឬ៣ថ្ងៃម្តង រហូតដល់ថ្ងៃឈឺពោះសម្រាលកូន។
៩) បើ១០ថ្ងៃហ្នឹង មិនទាន់ឈឺពោះសម្រាលទៀត ប្អូនចាំបាច់ត្រូវសម្រាកពេទ្យ ដើម្បីដាក់ថ្នាំឲ្យឈឺពោះសម្រាល ទៅតាមបច្ចេកទេសវេជ្ជបណ្ឌិតផ្នែកសម្ភព។
១០) យើងអាចទុកកូនទៅក្នុងផ្ទៃបានត្រឹមតែ៤១សប្ដាហ៍ ៣ថ្ងៃប៉ុណ្ណោះ។ លើសពីថ្ងៃនេះ ទារកនៅក្នុងផ្ទៃ នឹងទ្រោមបន្តិចម្តងៗរហូតស្លាប់នៅក្នុងពោះ។

សូមបងប្អូនអញ្ជើញមកពិនិត្យ និងតាមដានផ្ទៃពោះឲ្យបានទៀងទាត់ ជាមួយវេជ្ជបណ្ឌិតជំនាញផ្នែកសម្ភព នៃមន្ទីរពេទ្យកាល់ម៉ែត ដើម្បីឲ្យការសម្រាលកូនប្រកបទៅដោយសុវត្ថិភាព៕

អត្ថបទ ៖ រស្មី

ចុចអាន៖អ្នកជក់បារីអេឡិចត្រូនិក(E-Cigarette) អាចប្រកាច់ ឬវង្វេង

ចុចអាន៖ពិតដែរទេ? ទទួលទានទឹកកកបណ្ដាលឲ្យងាយឆ្លងជំងឺ