តារាសម្ដែង អៀ ម៉េងលិ ឆ្លើយតបយ៉ាងចាស់ដៃក្រោយរងការិះគន់

កាលពីប៉ុន្មានថ្ងៃមុននេះ កញ្ញា អៀ ម៉េងលិ ស្រាប់តែរងការរិះគន់យ៉ាងច្រើនពីអ្នកគាំទ្រ បន្ទាប់ពីស្រីស្អាតរូបនេះបានបង្ហោះរូបថតទទួលបាច់ផ្កាជាលុយសុទ្ធចំនួន ១០K (១០ ពាន់ដុល្លារ) ពីបុរសជាគូស្នេហ៍បណ្តូលចិត្ត។ ឆ្លើយតបការរិះគន់នោះ កញ្ញា អៀ ម៉េងលិ បាននិយាយធ្ងន់ៗទៅវិញថា ប្រុសៗដែលទើសហ្នឹង សុទ្ធពួកចរិតស្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អៀ ម៉េងលិ និយាយបន្តថា៖ ពួកប្រុសៗមួយចំនួនដែលនិយាយឱ្យខ្ញុំ ចង់និយាយថាចរិកដូចពួកលោកឯងមាន ១០ លានបោះកណ្ដាលមុខ ក៏ខ្ញុំមិនមើលផង ចង់និយាយអ៊ីចឹង។ ខ្ញុំចង់និយាយអ្នកដែលនិយាយថា ខ្ញុំស្រឡាញ់មិនគិតមានក្រ ខ្ញុំមិនបានមានគំនិតឃើញគាត់មានហើយមកនិយាយ ថាគាត់ក្រដើម្បីចង់អួតទេ”។

អៀ ម៉េងលិ បន្ថែមថា៖ “ខ្ញុំស្គាល់ដំបូងក៏មិនដឹងគាត់ជាណាគេដែរ​ គ្រាន់តែចង់និយាយថា ទោះថ្ងៃក្រោយ គាត់នៅចំណុចណា គាត់ធ្លាក់ខ្លួន គ្មានអ្វីសោះ ក៏ខ្ញុំស្រឡាញ់គាត់ ព្រោះខ្ញុំស្រឡាញ់គាត់មិនមែនគិតពីលុយទេ បើសង្សាខ្ញុំជាមនុស្សមុខអាក្រក់ ហើយចាស់ ទើបពួកអ្នកគិតអ៊ីចឹងត្រូវ តែសង្សាខ្ញុំឡើងសង្ហា ទោះមិនមានលុយក៏ស្រឡាញ់ដែរ ចង់និយាយអ៊ីចឹង”។

គួរបញ្ជាក់ថា កញ្ញា អៀ ម៉េងលិ ដែលជាតារាសម្តែងវ័យក្មេង ចូលចិត្តការស្លៀកពាក់បញ្ចេញសាច់ខ្ចីគេចាំបានថា កាលពីថ្មីៗកន្លងទៅបានប្រកាសពីការបែកបាក់ស្នេហាជាមួយអតីតសង្សារដែលធ្លាប់ស្រឡាញ់គ្នាប្រមាណ៥ឆ្នាំ បង្កការភ្ញាក់ផ្អើលដល់មហាជន។ ក្រោយពេលរឿងរ៉ាវស្នេហាត្រូវបានបញ្ចប់តាមរយៈការចែកផ្លូវគ្នាដើររៀងៗខ្លួននោះ តារាស្រី អៀ ម៉េងលិ មួយរយៈក្រោយមក នាងក៏បានបង្ហោះរូបថតមួយសន្លឹកជាមួយនឹងគូស្នេហ៍ថ្មីដោយលើឡើងថា “ក្តីស្រឡាញ់ពិតប្រាកដមិនមែន​ត្រូវការ​មាន​លុយ ហ៊ឺហា​រអ្វី​នោះ​ទេ សុំ​ត្រឹមតែស្មោះត្រង់ ផ្តល់តម្លៃឱ្យគ្នាទៅវិញទៅមក​ទៅ គ្រប់គ្រាន់​ហើយ”។

អត្ថបទ៖ ចាន់រ៉ា