កីឡា
ព្រឹត្តិការណ៍រត់ប្រណាំងកម្សាន្តបណ្ដាក់ជាក្រុម V-Active Fun Run នៅខេត្តព្រះសីហនុ ប្រព្រឹត្តទៅយ៉ាងរីករាយ ក្រោមវត្តមានអ្នកចូលរួមយ៉ាងច្រើនកុះករ
ខេត្តព្រះសីហនុ ៖ ព្រឹត្តិការណ៍រត់ប្រណាំងកម្សាន្តបណ្ដាក់ជាក្រុម V-Active Fun Run ដែលរៀបចំឡើងដោយក្រុមហ៊ុន វឌ្ឍនៈ ប្រ៊ូវើរី ដើម្បីអបអរសាទរការដាក់ឲ្យដំណើរការភេសជ្ជៈកីឡា វី អាកទីវ បានបញ្ចប់ទៅយ៉ាងជោគជ័យ និងសប្បាយរីករាយ ក្រោមវត្តមានអ្នកចូលរួមយ៉ាងច្រើនកុះករ នាទឹកដីតារារះនាទិសនិរតី ខេត្តព្រះសីហនុ កាលពីព្រឹកថ្ងៃទី ២៩ ខែមករា ឆ្នាំ ២០២៣។ នេះគឺជាលើកទីមួយដែលមានការរៀបចំកីឡារត់ប្រណាំងបណ្ដាក់ជាក្រុមឡើង នាំមកនូវបទពិសោធន៍ថ្មីប្លែក មិនធ្លាប់មានពីមុនមក គួបផ្សំជាមួយទីតាំងរត់ដ៏ល្អឥតខ្ចោះ នៃឆ្នេរសមុទ្រ និងទិដ្ឋភាពតាមដងផ្លូវដ៏ស្រស់ត្រកាល នៃខេត្តព្រះសីហនុ បានធ្វើឲ្យមានការចាប់អារម្មណ៍យ៉ាងច្រើន និងទាក់ទាញអ្នកចូលរួមប្រមាណ ១០០០ នាក់ មកពីគ្រប់ទិសទី រួមមាន ក្រុមសិល្បករ សិល្បការិនី ក្រុមអត្តពលិកមកពីស្ថាប័នប៉េតង់កម្ពុជា ក្រុមបាល់ទាត់គីរីវង់ ក្រុមបាល់ទាត់ជម្រើសជាតិ ក្រុមការងារយុទ្ធនាការ Beyond The Games និងមន្ត្រី នៃរដ្ឋបាលខេត្តព្រះសីហនុ ព្រមទាំងមហាជនទូទៅជាច្រើន ដែលធ្វើការរត់បណ្ដាក់ចេញពី ចាប់រង្វង់មូលព្រះសិវៈ និងព្រះនាងឧមាវតី រហូតទៅដល់ទីលានសម្ដេចតេជោ មានរយៈចម្ងាយជាង ១៩ គីឡូម៉ែត្រ។
កម្មវិធីបានរកឃើញក្រុមដែលប្រើរយៈពេលលឿនជាងគេចំនួន ៣ ក្រុម ដែលក្រុមទទួលបានជ័យជម្នះលេខមួយ ប្រើរយៈពេលត្រឹម ១ ម៉ោង ១១ នាទី លេខ ២ ប្រើរយៈពេល ១ ម៉ោង ១៣ នាទី និងលេខ ៣ ប្រើរយៈពេល ១ ម៉ោង ១៨ នាទី ក្នុងនោះក្រុមលេខ ១ ទទួលបានប្រាក់លើកទឹកចិត្ត ចំនួន ២ លានរៀល មេដាយមាសម្នាក់ ១ សម្រាប់រាល់សមាជិកក្រុមទាំង ៧ និងភេសជ្ជៈកីឡា វី-អាកទីវ ចំនួន ៧ កេស ក្រុមទី ២ ទទួលបាន ១ លានរៀល មេដាយប្រាក់ និងភេសជ្ជៈកីឡា វី-អាកទីវ ចំនួន ៥ កេស និងលេខ ៣ ទទួលបានប្រាក់លើកទឹកចិត្តចំនួន ៥០ ម៉ឺនរៀល មេដាយសម្រិតសម្រាប់រាល់សមាជិកក្រុមទាំងអស់ និងភេសជ្ជៈកីឡា វី-អាកទីវ ចំនួន ៣ កេស។
អ្នកឧកញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី ដែលមានវត្តមានចូលរួមរត់ក្នុងព្រឹត្តិការណ៍នេះផងដែរ បានមានប្រសាសន៍ថា «ក្រុមហ៊ុន វឌ្ឍនៈ ប្រ៊ូវើរី ពិតជាមានសេចក្ដីសោមនស្សរីករាយដែលបានរៀបចំព្រឹត្តិការណ៍នេះឡើង ដែលមិនមែនធ្វើឡើងសម្រាប់តែប្រារព្ធ និងអបអរវត្តមានភេសជ្ជៈកីឡា វី-អាកទីវ ប៉ុណ្ណោះទេ តែសម្រាប់ផ្ដល់នូវភាពរីករាយ និងបទពិសោធន៍ថ្មីដល់ប្រជាជនយើង។ ព្រឹត្តិការណ៍រត់ប្រណាំងកម្សាន្តបណ្ដាក់ជាក្រុម V-Active Fun Run នេះ បានបង្ហាញពីឆន្ទៈរបស់ វឌ្ឍនៈ ប្រ៊ូវើរី ក្នុងការលើកស្ទួយ សុខភាព និងសុខុមាលភាពសង្គម។ ការជ្រើសរើសការរត់ ឬ ដើរសម្រាប់កម្មវិធីនេះ ព្រោះវាគឺជាសកម្មភាពកីឡាដែលមានភាពងាយស្រួល ងាយអនុវត្តបំផុត មិនទាមទារសម្ភារៈបរិក្ខារ និងមានលក្ខណៈធម្មជាតិ។ ការរត់ ឬ ដើរគឺជាលំហាត់ប្រាណដ៏អស្ចារ្យមួយដែលត្រូវបានគ្រូពេទ្យណែនាំធ្វើឲ្យបានទៀងទាត់យ៉ាងហោចណាស់ពី ២០ នាទី ទៅ ៣០ នាទី ដើម្បីទទួលបានអត្ថប្រយោជន៍សុខភាពដ៏សម្បូរបែប។
ពួកយើងសង្ឃឹមថា ព្រឹត្តិការណ៍នេះ នឹងក្លាយទៅជាសារមួយជួយក្រើនរំលឹកដល់ប្រជាជនយើងឲ្យបន្ត និងចូលរួមហាត់ប្រាណកាន់តែច្រើន។ វឌ្ឍនៈ ប្រ៊ូវើរី នឹងបន្តចូលរួមលើកស្ទួយសកម្មភាពកីឡា និងរៀបចំកម្មវិធីកម្សាន្តសប្បាយបែបនេះជាច្រើនទៀតនាពេលខាងមុខ»។
វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើនវិនិយោគលើវិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនគោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ៕
រកឃើញសាកសពជិត ៤០០ នាក់ក្នុងផ្នូរដ៏ធំនៅមន្ទីរពេទ្យតំបន់ហ្គាហ្សា
បញ្ចប់ទស្សនកិច្ចជោគជ័យនៅស្វីស និងអាល្លឺម៉ង់ លោក ស សុខា ដឹកនាំប្រតិភូមកដល់កម្ពុជាវិញហើយ
ថៃ រុះរើគណៈរដ្ឋមន្ត្រីជាផ្លូវការ លោក សេដ្ឋា របូតតំណែងមួយក្នុងដៃ
ប្រមុខការទូតកម្ពុជា ចូលរួមអបអរសាទរស្មារតីអាស៊ាន «សាមគ្គីភាពក្នុងពហុភាព»
អាមេរិក ប្រកាសផ្ដល់ប្រព័ន្ធខែលការពារដែនអាកាសបន្ថែមឲ្យ អ៊ុយក្រែន
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
ជប៉ុន នឹងធ្វើរនាំងកម្ពស់២ម៉ែត្រកន្លះបាំងទេសចរមិនឲ្យមើលឃើញទេសភាពភ្នំហ្វូជី
ណាសា រកឃើញសញ្ញាជីវិតលើភពមួយ ខណៈគេសង្ស័យថា ជា Alien
-
ជីវិតកម្សាន្ដ៤ ថ្ងៃ agoពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ជីវិតកម្សាន្ដ១ ថ្ងៃ agoអាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៦ ថ្ងៃ agoគេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ២០ ម៉ោង agoស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៥ ថ្ងៃ agoកម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២១ ម៉ោង agoសម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ agoតុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ agoអ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល