ព័ត៌មានអន្ដរជាតិ

តៃវ៉ាន់បង្ហាញលិខិតឆ្លងដែនដែលរចនាថ្មី ជៀសវាងភ័ន្តច្រឡំជាមួយចិន

បានផុស

៥ years មុន

នៅ

ថ្ងៃអង្គារ ១២ មករា ២០២១

ដោយ

កោះតៃវ៉ាន់បានបង្ហាញលិខិតឆ្លងដែនដែលបានរចនាថ្មីក្នុងគោលបំណងការពារពលរដ្ឋរបស់ខ្លួនកុំឲ្យមានការភ័ន្តច្រឡំជាមួយជនជាតិចិន ខណៈដែលអាជ្ញាធរតៃវ៉ាន់បានចាប់ផ្តើមទទួលយកពាក្យសុំលិខិតឆ្លងដែនកាលពីថ្ងៃចន្ទ ។

គម្របលិខិតឆ្លងដែនសេរ៊ីមុនមានទាំងពាក្យ ” REPUBLIC OF CHINA ” និង “TAIWAN” ដែលមានទំហំស្ទើរតែដូចគ្នា ។

ចំណែករចនាបថថ្មីនេះវិញមានពាក្យ “TAIWAN” ជាអក្សរធំៗ ហើយពាក្យ ” REPUBLIC OF CHINA ” លេចចេញជាអក្សរតូចព័ទ្ធជុំវិញនិមិត្តសញ្ញារបស់តៃវ៉ាន់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមមន្រ្តីបាននិយាយថា នៅពេលដែលជំងឺកូវីដ ១៩ ឆ្លងរាលដាលពាសពេញពិភពលោក ពួកគេបានទទួលពាក្យបណ្តឹងជាច្រើនពីអ្នកកាន់លិខិតឆ្លងដែនតៃវ៉ាន់អំពីការធ្វើខុសចំពោះជនជាតិចិន ។

រដ្ឋមន្រ្តីក្រសួងការបរទេសតៃវ៉ាន់លោក Joseph Wu បាននិយាយថា ការរចនាថ្មីនេះជួយឲ្យមនុស្សកាន់តែងាយស្រួលទទួលស្គាល់វាជាលិខិតឆ្លងដែនតៃវ៉ាន់ ។

ទន្ទឹមនោះក្រុមហ៊ុនអាកាសចរណ៍ China Airlines របស់តៃវ៉ាន់ក៏បានទទួលយកការរចនាថ្មីនេះដាក់លើតួយន្តហោះដឹកទំនិញដែលខ្លួនបានណែនាំកាលពីខែមុនផងដែរ ។ ការរចនាថ្មីនេះមានពាក្យថា “CARGO” ដែលមានរូបភាពកោះលេចចេញនៅខាងក្នុងអក្សរ “C” ។

បន្ថែមពីនេះអាជ្ញាធរតៃវ៉ាន់ក៏បានផ្តល់ម៉ាសជាង ៥០ លានម៉ាសដល់ប្រទេសជាង ៨០ ដោយប្រើយន្ដហោះដឹកទំនិញជាមួយការរចនារាងពងក្រពើថ្មីនេះ ។ ប៉ុន្តែប្រព័ន្ធផ្សព្វផ្សាយរបស់តៃវ៉ាន់បាននិយាយថា ប្រទេសមួយចំនួនដែលបានទទួលម៉ាសជឿខុសថាជាអំណោយពីប្រទេសចិន ៕