អតីតនាយកផលិតកម្ម YG រំពឹងថា Chiquita សមាជិក BABYMONSTER អាចជំនួសតំណែង Lisa

សមាជិកក្រុម BABYMONSTER នាង Chiquita ដែលទើបពន្លកថ្មីក្នុងផលិតកម្ម YG Entertainment ត្រូវបានលោក Yang Hyun Suk អតីតនាយកប្រតិបត្តិផលិតកម្ម លើកសរសើរពីសមត្ថភាព និងទេពកោសល្យធម្មជាតិរបស់នាង ព្រមទាំងរំពឹងថា តារាស្រីដើមកំណើតថៃរូបនេះ អាចជំនួសតំណែង Lisa នាពេលអនាគត។

ដើម្បីជួយផ្សព្វផ្សាយឱ្យអ្នកគាំស្គាល់សមាជិកទាំងប្រាំពីរនៃក្រុម BABYMONSTER ផលិតកម្ម YG Entertainment បាននិងកំពុងបញ្ចេញវីដេអូណែនាំចំណុចពិសេសៗនៃសមាជិកទាំងអស់ ដែលក្នុងចំណោមនោះមានតារាចម្រៀងជនជាថៃតិម្នាក់ផងដែរ នោះគឺ Chiquita ។

នៅក្នុងវីដេអូ ​អតីតនាយកប្រតិបត្តិ និងជាស្ថាបនិក YG Entertainment លោក Yang Hyun Suk បានពោលសរសើរជំនាញធម្មជាតិរបស់ Chiquita ដោយលើកឡើងថា ទោះបីជាមានពេលហ្វឹកហាត់ខ្លីបំផុត ប៉ុន្តែ Chiquita ជាសមាជិកដ៏ពោរពេញដោយទេពកោសល្យ មិនអាចមើលរំលងនោះទេ។ មិនតែប៉ុណ្ណោះ សូម្បី Lalisa សមាជិកក្រុម BLACKPINK ក៏បានសរសើរសមត្ថភាពរបស់ Chiquita ផងដែរ ទោះបីជានាងមានពេល​ហ្វឹក​ហាត់​តិចជាងគេ ប៉ុន្តែសមត្ថភាពរបស់នាង មិនចាញ់គេឡើយ។

នៅចុងបញ្ចប់នៃវីដេអូ លោក Yang Hyun Suk បានថ្លែងពីពីចំណាប់អារម្មណ៍ និងក្ដីរំពឹងលើ Chiquita ថា នាងអាចនឹងទទួលបានប្រជាប្រិយភាពទូទាំងពិភពលោកដូច Lisa ក្នុងពេលអនាគត។

យ៉ាងណាមិញ ចំណាប់អារម្មណ៍ និងការប្រៀបធៀបរបស់អតីតនាយក YG មិនត្រូវហ្វេនគាំទ្រឡើយ ដោយពួកគេបានសម្ដែងការខកចិត្ត ហើយនាំគ្នាលើកឡើងថា ​ការ​ប្រៀបធៀប​នេះអ​យុត្តិធម៌​ចំពោះ Chiquita ​ខណៈ​​ទេពកោសល្យរបស់នាង​មិន​ទាន់​បង្ហាញ​នៅ​ឡើយ​ទេ។ បន្ថែមពីលើនេះ ពួកគេមិនចង់ឱ្យសមាជិក BABYMONSTER ផ្សេងទៀតមានសម្ពាធ ក្នុងការដើរតាមគម្រូរបស់ BLACKPINK នោះទេ ព្រោះសមាជិកទាំងអស់អាចបង្កើតមានអត្តសញ្ញាណរបស់ខ្លួន ជាជាងយកតម្រាប់តាមគេ៕

ប្រែសម្រួល៖ សន្យា

ចុចអាន៖ ក្រុមហ៊ុន HYPE ក្លាយជាម្ចាស់ភាគហ៊ុនធំបំផុតក្នុងផលិតកម្ម SM

ចុចអាន៖ Jisoo ក្លាយជាតារា K-pop ដំបូងគេ បង្ហាញមុខលើទស្សនាវដ្ដីម៉ូដបារាំងដ៏ល្បីល្បាញ