Jisoo ក្លាយជាតារា K-pop ដំបូងគេ បង្ហាញមុខលើទស្សនាវដ្ដីម៉ូដបារាំងដ៏ល្បីល្បាញ

Jisoo សមាជិកក្រុម Blackpink បានក្លាយជាតារា K-pop ដំបូងគេនៅលើក្របទស្សនាវដ្តី French Vogue ដែលជាទស្សនាវដ្តីមួយក្នុងចំណោមទស្សនាវដ្តី Vogue ដ៏ល្បីល្បាញបំផុតទាំងបួននៅលើពិភពលោក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅល្ងាចថ្ងៃទី ២២ ខែ កុម្ភៈ ទស្សនាវដ្ដី Vogue របស់បារាំងបានប្រកាសមុខគម្របសម្រាប់ខែមិនា ឆ្នាំ ២០២៣ ដែលជាតារាស្រី Jisoo នៃក្រុម Blackpink។ នៅលើវេទិកា Instagram ទស្សនាវដ្តី Vog ue France បានណែនាំអំពី Jisoo ថា “ជាលើកដំបូងដែលតារា K-pop បង្ហាញខ្លួននៅលើក្របទស្សនាវដ្តី French Vogue ហើយអ្វីដែលគួរឱ្យចាប់អារម្មណ៍ជាលើកដំបូង ។

នៅលើក្របទស្សនាវដ្តី French Vogue ក៏បានសរសេរឈ្មោះរបស់ Jisoo ត្រូវបានភ្ជាប់ជាមួយនឹង ចំណងជើងថា “Burning Flame” ។ តារាស្រីរូបនេះបានថតរូបយ៉ាងចម្លែកក្នុងរ៉ូបពណ៌ខ្មៅរបស់ Dior ជាមួយនឹងម៉ូដចរផ្កា រួមបញ្ចូលការតុបតែងខ្លួនជាមួយនឹងសក់ពណ៌ខ្មៅ។ ក្នុងនោះ French Vogue ជាប់ចំណាត់ថ្នាក់ក្នុង “The Big Four” ដែលជាទស្សនាវដ្តី Vogue ធំជាងគេទាំង ៤ នៅលើពិភព លោក (រួមទាំងទស្សនាវដ្តី Vogue អាមេរិក អង់គ្លេស បារាំង និងអ៊ីតាលី)។

ទន្ទឹមនឹងនោះ Jisoo គឺជាតារាកូរ៉េដំបូងគេនៅលើក្របទស្សនាវដ្តី French Vogue និងសិល្បករកូរ៉េទីពីរនៅលើគម្រប “The Big Four” ដោយកាលពីមុនតារាសម្ដែង Jung Ho Yeon បានក្លាយជាមុខ គម្របរបស់ទស្សនាវដ្តី American Vogue ក្នុងខែ កុម្ភៈ ឆ្នាំ ២០២២ ៕

ប្រែសម្រួល៖នាងតូច

ចុចអាន៖ទស្សនិកជនរិះគន់ទង្វើរបស់ Harry Styles ផឹកស្រាក្នុងស្បែកជើង