កីឡា
ជួបតាមបំណង! ធឿន ធារ៉ា និង Sammy នឹងកក្រើកជាយដែនចុងសប្តាហ៍នេះ
ជើងខ្លាំងគុនខ្មែរកំពុងល្បីឈ្មោះ ធឿន ធារ៉ា និងអ្នកប្រដាល់ថៃកំពុងសាងភាពខ្លាំងនៅកម្ពុជា Sammy នឹងជួបគ្នាម្តងទៀតដើម្បីជម្រះបញ្ជីឲ្យដាច់ស្រឡះ បន្ទាប់ពីជួបគ្នាលើកទី១បានត្រឹមស្មើគ្នា។
ជំនួបគ្នាលើកទី២នេះនឹងកើតឡើងនៅថ្ងៃទី១៨ ខែមីនា ឆ្នាំ២០២៣ នៅប៉ោយប៉ែត ខេត្តបន្ទាយមានជ័យព្រំដែនថៃ។ នៅចាំបានថា ជើងខ្លាំងទាំងពីរបានជួបគ្នាលើកទី១ កាលពីថ្ងៃទី២៩ ខែមករា នៅសង្វៀនទូរទស្សន៍ជាតិកម្ពុជា ហើយបានត្រឹមស្មើគ្នា បន្ទាប់ពីតស៊ូគ្នា៥ទឹកពេញ។
ទោះបីជាយ៉ាងណា ការប្រកួតនោះ កីឡាករថៃ Sammy បាននិយាយថា រូបគេមានអារម្មណ៍លើខ្លួនឯងមានប្រៀប និងអាចទទួលបានជ័យជម្នះ ដោយសាររូបគេបានវ៉ៃកណ្តាប់ដៃឲ្យអ្នកលេងគុនខ្មែរស្រុតម្តងម្កាលដែរ ប៉ុន្តែរូបគេទទួលយកសម្រាប់លទ្ធផលស្មើគ្នានោះ។
បន្ទាប់ពីបានត្រឹមស្មើជាមួយ ធឿន ធារ៉ា កីឡាករដែលមានកណ្តាប់ដៃធ្ងន់ និងបច្ចេកទេសល្អ Sammy បានយកឈ្នះកីឡាករកម្ពុជា២រូបគឺផ្តួលកីឡាករ ឡៅ ចន្ទ្រា ឲ្យសន្លប់ក្នុងទឹកទី២ កាលពីថ្ងៃទី២៥ ខែកុម្ភៈ និងចុងក្រោយបំផុត ទាត់ជើងក្រោមឲ្យ ធន់ រិទ្ធី បោះបង់ចោលការប្រកួតក្នុងទឹកទី១ កាលពីថ្ងៃទី១១ ខែមីនា។ តាមរយៈជ័យជម្នះ២លើកចុងក្រោយនេះ រូបគេមានបំណងប្រកួតជាមួយ ធឿន ធារ៉ា ម្តងទៀតដើម្បីឲ្យដឹងច្បាស់ថា នរណាជាជើងខ្លាំងពិតពិតប្រាកដ។
បំណងប្រាថ្នារបស់ Sammy បានសម្រេចដោយសង្វៀនទូរទស្សន៍ជាតិកម្ពុជារៀបចំឲ្យជួប ធឿន ធារ៉ា ម្តងទៀតចុងសប្តាហ៍នេះ។ វានឹងក្លាយជាការប្រកួតគួរឲ្យចាប់អារម្មណ៍បំផុតពីអ្នកគាំទ្ររបស់កីឡាករទាំងពីរ។
កាលជួបគ្នាលើកទី១ ធឿន ធារ៉ា ត្រូវបានគេមើលឃើញថា ហាក់ដូចជាលេងសើចបន្តិចនៅលើសង្វៀន ដូច្នេះសង្ឃឹមលើការជួបគ្នាលើកទី២នេះ រូបគេនឹងមានការប្រុងប្រយ័ត្នខ្ពស់ និងសមាធិផ្លូវចិត្តឲ្យបានស្ងប់ល្អ។
ធឿន ធារ៉ា ចាប់តាំងពីឆ្នាំ២០២២មកប្រកួតមិនដែលចាញ់សោះ។ ប៉ុន្មានខែចុងក្រោយនេះ រូបគេបានឈ្នះខ្សែក្រវាត់អន្តរជាតិ៣គ្រឿង ហើយប្រកួតចុងក្រោយកាលពីថ្ងៃទី១១ ខែមីនា កន្លងទៅនេះ បានផ្តួលកីឡាករប្រេស៊ីល Bento ឲ្យសន្លប់ក្នុងទឹកទី១។
តាមពិតទៅ Sammy ធ្លាប់សន្លប់នៅលើទឹកដីកម្ពុជាម្តងហើយកាលពីដាច់ឆ្នាំ២០២២ ឈានចូលឆ្នាំ២០២៣ នៅទឹកដីខេត្តត្បូងឃ្មុំដែលនៅពេលនោះរូបគេចាញ់ជើងខ្លាំងគុនខ្មែរ ព្រំ សំណាង ក្នុងទឹកទី២៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ