រថក្រោះខ្លារខិនរបស់ន័រវែស ទៅដល់ដៃ អ៊ុយក្រែន ហើយ

រថក្រោះខ្លារខិន២ ឬ Leopard 2 បានទៅដល់ប្រទេសអ៊ុយក្រែនរួចហើយ ខណៈការបណ្តុះបណ្តាលកងទ័ពឲ្យចេះប្រតិបត្តិការរថក្រោះប្រភេទនេះ ក៏កំពុងដំណើរការដែរនៅក្នុងប្រទេសប៉ូឡូញ។ នេះបើយោងតាមការបញ្ជាក់ពីក្រសួងការពារជាតិន័រវែស នៅថ្ងៃចន្ទទី២១ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីថ្លែងការណ៍របស់ក្រសួងបានឲ្យដឹងថា “ថ្មីៗនេះ ន័រវែសបានរៀបចំ និងដឹកជញ្ជូនរថក្រោះទៅកាន់ប្រទេសអ៊ុយក្រែន។ រថក្រោះន័រវេសចំនួន៨គ្រឿង បានទៅដល់គោលដៅរបស់ពួកគេ ហើយត្រៀមរួចជាស្រេចសម្រាប់ធ្វើសកម្មភាពនៅក្នុងសង្គ្រាមប្រឆាំងនឹង រុស្ស៊ី។

បន្ថែមពីលើគ្រឿងសឹកដែលបរិច្ចាក យានគាំទ្រ គ្រាប់រំសេវ និងគ្រឿងបន្លាស់ក៏ត្រូវបានបញ្ជូនទៅផងដែរ។

គួរបញ្ជាក់ថា កាលពីថ្ងៃទី២៥ខែមករា មានការប្រកាសថា អ៊ុយក្រែននឹងទទួលបានរថក្រោះ Leopard 2 ចំនួន១៤គ្រឿងពីអាល្លឺម៉ង់ ហើយទីក្រុងបែរឡាំង បានអនុញ្ញាតឲ្យប្រទេសជាដៃគូផ្តល់រថក្រោះអាល្លឺម៉ង់ពីស្តុកផ្ទាល់ខ្លួនរបស់ពួកគេ ទៅឲ្យអ៊ុយក្រែន។

នៅថ្ងៃទី១៤ខែកុម្ភៈ ប្រទេសន័រវែស បានសម្រេចចិត្តបរិច្ចាគរថក្រោះ Leopard 2 ចំនួន៨គ្រឿង និងរថយន្តជំនួយចំនួន ៤គ្រឿង៕

ប្រែសម្រួល៖ Vann Vann

ប្រភព៖ TASS, Espreso

ចុចអាន៖ កងទ័ពអ៊ុយក្រែន ទៅដល់ចក្រភពអង់គ្លេស ដើម្បីហាត់ប្រើ រថក្រោះ