៥ ចំណុចអ្នកជំនាញសរសៃសក់មិនធ្វើដាច់ខាត

លោក Joseph Maine នាយកសិល្បៈនៃ Color Wow និងជាសហស្ថាបនិកនៃម៉ាក Trademark Beauty បានចែករំលែកនូវកំហុសខ្លះដែលគាត់មិនដែរធ្វើដាក់សក់របស់គាត់ទាល់តែសោះ ៖

១. ប្រើសាប៊ូស្រាលៗ 

សាប៊ូស្រាលៗធ្វើឲ្យអ្នកមានអារម្មណ៍ថាសក់មានទម្ងន់ហើយក្រាស់ ប៉ុន្តែវាមិនបានសម្អាតស្បែកក្បាលស្អាតឥតខ្ចោះទេបណ្ដាលឲ្យបង្កបាក់តេរី រមាស់ និងជ្រុះសក់ជាដើម ។

២. គេងចងសក់

បើចង់គេងចងសក់ អ្នកគប្បីប្រើចំណងធ្វើពីសូត្រទើបមិនបណ្ដាលឲ្យសក់បាក់ ។

៣. ប្រើឧបករណ៍ធ្វើសក់ក្ដៅបន្ទាប់ពីបាញ់ស្ព្រៃយ៍

អ្នកខ្លះធ្វើបែបនេះដើម្បីម៉ូដសក់ជាប់ល្អ តាមពិតសក់នឹងឆេះខូចលឿនជាងការរំពឹងទុកទៅទៀត ។

៤. ប្រើផលិតផលថ្លៃដោយមិនដឹងពីគុណភាព 

ផលិតផលនោះអាចនឹងមានឈ្មោះល្បី ចេញពីក្រុមហ៊ុនស្តង់ដារ ហើយលក់ក្នុងតម្លៃថ្លៃ ប៉ុន្តែទាំងនេះមិនបានកំណត់នូវគុណភាពល្អសមស្របជាមួយសរសៃសក់របស់អ្នកឡើយ ។

៥. កាត់សក់ដើម្បីឲ្យដុះវែងជាងមុន

មិនតិចអ្នកទេដែលមានទម្លាប់កាត់សក់ដើម្បីឲ្យដុះវែងជាងមុន ជាក់ស្ដែងសរសៃសក់មិនដុះកាន់តែលឿនបន្ទាប់ពីកាត់ដូចពាក្យចចាមអារ៉ាមទេ ។

សក់ជាផ្នែកមួយដ៏សំខាន់នៃសម្រស់មនុស្សគ្រប់គ្នាទាំងបុរសនិងនារី មិនតែប៉ុណ្ណោះវាអាចបញ្ជាក់ពីស្ថានភាពសុខភាពរបស់យើងថែមទៀតផង ៕

ប្រែសម្រួល ៖ វារី

ចុចអាន ៖ អ្នកមានសក់ស្ដើងហាមធ្វើរឿង ៧ ចំណុចនេះដាច់ខាត