កូនស្រីលោក ថាក់ស៊ីន មិនប្រាប់មុនទេថាតើឪពុករបស់ខ្លួននឹងត្រឡប់​ចូលស្រុកនៅពេលណានោះ

លោកស្រី ផេថងថាន ស៊ីណាវ៉ាត់ត្រា បេក្ខជននាយករដ្ឋមន្ត្រីម្នាក់របស់គណបក្សភឿថៃបាននិយាយកាលពីថ្ងៃពុធថា លោកស្រីមិនដឹងទេថាតើឪពុករបស់លោកស្រី គីលោក ថាក់ស៊ីន ស៊ីណាវ៉ាត់ត្រា នឹងវិលត្រឡប់មកប្រទេសថៃវិញនៅពេលណានោះ ។

លោកស្រីបញ្ជាក់ទៀតថា លោកស្រីក៏នឹងមិនជូនដំណឹងជាមុនអំពីការវិលត្រឡប់មកវិញរបស់លោក ថាក់ស៊ីន នោះដែរ ហើយការវិលត្រឡប់មកវិញលើកនេះ គឺមិនពាក់ព័ន្ធនឹងគណបក្សភឿថៃដែរ ។

ការលើកឡើងរបស់លោកស្រី ផេថងថាន បានកើតឡើង បន្ទាប់ពីអតីតនាយករដ្ឋមន្ត្រីរូបនេះបានបង្ហោះសារលើបណ្តាញសង្គម Twitter ពីបំណងចង់វិលត្រឡប់មកប្រទេសថៃវិញដើម្បីមើលថែចៅៗ ហើយត្រូវបានសារព័ត៌មានចុះផ្សាយព្រោងព្រាត ។

លោកស្រី ផេថងថាន បន្ថែមថា ឪពុករបស់លោកស្រីបាននិយាយជាច្រើនដងមកហើយអំពីបំណងចង់វិលត្រឡប់មកមាតុប្រទេសវិញ លោកពិតជាមានក្តីសង្ឃឹមយ៉ាងខ្លាំង ប៉ុន្តែអ្វី​ដែលលោក​និយាយ ​មាន​ឥទ្ធិពល​នយោបាយ ប៉ុន្តែនេះគ្រាន់ជាការគិតជាផ្ទៃក្នុងគ្រួសារប៉ុណ្ណោះ ៕

ប្រែសម្រួលដោយ ៖ គង់ សំអាន

ប្រភព ៖ Thai PBS

ចុចអាន ៖ លោក ថាក់ស៊ីន បង្ហាញតម្រុយត្រឡប់ចូលស្រុកវិញ