Song Hye Kyo និង Han So Hee មិនអាចសម្តែងរឿងថ្មីជាមួយគ្នាទេ ព្រោះតែបញ្ហាក្រុមអ្នកផលិត

បន្ទាប់ពីការពិភាក្សាគ្នាយ៉ាងយូរតារាសម្តែង Song Hye Kyo និង Han So Hee ត្រូវបានគេនិយាយថាបានសម្រេចចិត្តមិនចូលរួមក្នុងរឿង “The Price of Confession” ទេ ដោយសារតែបញ្ហាក្រុមអ្នក ផលិតនិងផលិតកម្មគ្រប់គ្រងអ្នកទាំងពីរ ។

យោងតាមសារព័ត៌មានកូរ៉េបានចុះផ្សាយឲ្យដឹងថា មិនត្រឹមតែតារាសម្តែង Song Hye Kyo និងHan So Hee ប៉ុណ្ណោះទេ ថែមទាំងផលិតករ Shim Na Yeon ក៏បានដកខ្លួនចេញពីគម្រោងរឿង The Price of Confession ផងដែរ។ កន្លងមកផលិតកម្មដែលគ្រប់គ្រងសិល្បករស្រីទាំងពីរបានបញ្ជាក់ ថាមិនសូវចាប់អារម្មណ៍ក្នុងការចូលរួមក្នុងគម្រោងនេះ ។

តាមប្រភពនេះ ការពិភាក្សារវាងក្រុមហ៊ុនគ្រប់គ្រង និងផលិតករមិនបានជោគជ័យទេ ដោយសារតែការមិនចុះសម្រុងគ្នា។ ថ្វីត្បិតតែមិនអាចរួមការងារជាមួយគ្នាបាន ប៉ុន្តែតារាស្រីទាំងពីរដួងនេះ តែងតែគាំទ្រការងារគ្នាទៅវិញទៅមក និងជាមិត្តរួមការងារជិតស្និទ្ធ។

ជាមួយគ្នានេះ ការសម្ដែងរបស់ Song Hye Kyo និង Han So Hee ក្នុងតួឯក្នុងរឿង “The Price of Confession” បានទាក់ទាញការចាប់អារម្មណ៍យ៉ាងខ្លាំង ហើយការផ្លាស់ប្តូរដែលមិននឹកស្មានដល់នេះបានធ្វើឱ្យអ្នកគាំទ្រមានការសោកស្ដាយជាខ្លាំងផងដែរ ៕

ប្រែសម្រួល៖នាងតូច

ចុចអាន៖គន្លឹះថែរក្សាស្បែក ៤ ជំហានរបស់ Song Hye Kyo សុទ្ធតែជាវិធីសាមញ្ញបំផុត